आइतबार ४.९८ अंकले बढ्यो नेप्से, सर्वाधिक कारोबार न्याग्दी ग्रुप पावर कम्पनीको

सेयर

गृहपृष्ठ
सेयर

आइतबार ४.९८ अंकले बढ्यो नेप्से, सर्वाधिक कारोबार न्याग्दी ग्रुप पावर कम्पनीको

क्यापिटल नेपाल आइतबार, मंसिर २, २०८१

काठमाडौं। साताको पहिलो कारोबार सामान्य अंकले बढ्यो नेपाल स्टक एक्सचेञ्ज (नेप्से) सामान्य अंकले बढेर बन्द भएको छ। आइतबार नेप्से ४.९८ अंकले बढेर २७ सय ५३.७६ बिन्दुमा बन्द भएको हो।

कारोबार शुरु भएको ३५ मिनेटमा २७ सय ८६.८२ को बिन्दुमा पुगेको आजको नेप्से परिसुचक कारोबार बन्द हुँदासम्म लगातर ओरालो लागेको थियो। कारोबार बन्द हुनु १० मिनेट अघि ह्वात्तै १० अंकले घटेर २७ सय ४९ पुगेको नेप्से अन्तिम ३ मिनेटमा पुनः करिब ४ अंकले बढेको हो।

आइतबार कारोबारमा आएका ३ सय २६ कम्पनीको कुल २ करोड ४४ लाख २६ हजार ९ सय कित्ता सेयर १ लाख १३ हजार २ सय ५२ पटक कारोबार हुँदा कुल ११ अर्ब ७२ करोड ६७ लाख बढीको कारोबार भएको छ। कारोबार रकमको आधारमा भने उक्त दिन न्याग्दी ग्रुप पावर कम्पनीको सर्वाधिक भएको छ। कम्पनीको प्रतिकित्ता ५ सय ७१ रुपैयाँसम्म कुल ८ लाख ८० हजार १ सय ३३ कित्ता सेयर २ हजार ५ सय १२ पटक खरिदबिक्री हुँदा कुल ४५ करोड १७ लाख १० हजार रुपैयाँ बढीको कारोबार भएको हो।

यसैगरी, आइतबारको सेयर बजारमा २ वटा कम्पनीको सेयर मूल्यमा सकारात्म सर्किट र २ वटामा नकारात्मक सर्मिट लागेको छ। उक्त दिन उन्नती सहकार्य लघुवित्त वित्तीय संस्था र स्वाभिमान लघुवित्त वित्तीय संस्थाको सेयर मूल्यमा सकारात्मक सर्किट लाग्दा समृद्धि फाइनान्स र गुराँस लघुवित्त वित्तीय संस्थाको सेयर मूल्यमा नकारात्मक सर्किट लागेको थियो।

प्रकाशित मिति: आइतबार, मंसिर २, २०८१ १५:३७

प्रतिक्रिया दिनुहोस्