बजेट निर्माणलाई दुई चरणमा छुट्याइनुपर्छः सीईओ ज्ञवाली

अर्थतन्त्र

गृहपृष्ठ
अर्थतन्त्र

बजेट निर्माणलाई दुई चरणमा छुट्याइनुपर्छः सीईओ ज्ञवाली

क्यापिटल नेपालशुक्रबार, मंसिर ७, २०८१

काठमाडौं। लगानी बोर्ड नेपालका प्रमुख कार्यकारी अधिकृत (सीइओ) सुशील ज्ञवालीले वडा अध्यक्षको काम सांसद र लाख÷१० लाखका आयोजना सडक विभागलाई जिम्मेवारी दिने व्यवहार परिवर्तन गर्नुपर्ने बताएका छन्।

नेपाल उद्योग परिसंघ (सिएनआइ) ले नेपाल पत्रकार समाज (सेजन) को सहकार्यमा आयोजना गरेको पूर्वाधार केन्द्रित बजेट वाच कार्यक्रममा बोल्दै सीईओ ज्ञवालीले ससाना काममा पनि संघ सरकार लाग्ने हुँदा पूर्वाधार निर्माणले फड्को मार्न नसकेको बताएका हुन्।

राष्ट्रिय योजना आयोगले ५ वर्षका लागि गर्ने योजना जसरी पनि पूरा गर्ने गरी कानुन बनाउनुपर्ने उनको सुझाव छ। ‘कहिलेकाहीँ योजना आयोग चाहिँदैन कि भन्ने सुनिन्छ तर, वास्तवमा त्यस्तो होइन, योजना आयोग चाहिन्छ,’ उनले भने।

त्यस्तै, बजेट बनाउँदा दुई चरणमा छुट्याउनु पर्ने उनको सुझाव छ। आयोजना तयारी र अर्को कार्यान्वयनको लागि बजेट व्यवस्था गर्न आवश्यक रहेको उनको भनाइ छ।

साथै निर्माण व्यवसायीले काम गरेनन् भन्नुभन्दा पूर्वतयारी गरेर मात्रै ठेक्का लगाएर मात्रै व्यवसायीले काम नगरेको अवस्थामा प्रश्न गर्नुपर्ने सीइओ ज्ञवालीको तर्क छ।

प्रकाशित मिति: शुक्रबार, मंसिर ७, २०८१ १९:३६

प्रतिक्रिया दिनुहोस्