धितोपत्र बोर्ड अध्यक्ष श्रेष्ठले लिए शपथ, पुँजीबजारका समस्या सम्बोधन हुने अर्थमन्त्रीको विश्वास

अर्थतन्त्र

गृहपृष्ठ
अर्थतन्त्र

धितोपत्र बोर्ड अध्यक्ष श्रेष्ठले लिए शपथ, पुँजीबजारका समस्या सम्बोधन हुने अर्थमन्त्रीको विश्वास

क्यापिटल नेपालमंगलबार, मंसिर ११, २०८१

काठमाडौं। नेपाल धितोपत्र बोर्डका नवनियुक्त अध्यक्ष सन्तोषनारायण श्रेष्ठले पद तथा गोपनीयताको शपथ लिएका छन्। अर्थ मन्त्रालयमा आयोजित कार्यक्रममा उपप्रधान एवं अर्थमन्त्री विष्णुप्रसाद पौडैलले अध्यक्ष श्रेष्ठलाई शपथ खुवाएका हुन्।

साेमबारकाे मन्त्रिपरिषद् बैठकले श्रेष्ठलाई बोर्ड अध्यक्ष नियुक्ति निर्णय गरेको थियो।

कार्यक्रममा अर्थमन्त्री पौडेलले सरकारले कानुनसम्मत ढंगले खुला रुपमा प्रतिस्प्रधाको विधि अवलम्बन गरेर धितोपत्र बोर्डको अध्यक्ष छनोट गरेको बताउँदै पुँजीबजार क्षेत्रमा रहेका यावत समस्यालाई संस्थागत रुपमा सम्बोधन गर्ने विश्वास व्यक्त गरे।

उनले पुँजीबजारको व्यवस्थित विकासका लागि अध्यक्षले गतिशील ढंगले काम गर्ने अपेक्षा रहेकाे बताए।

अर्थमन्त्री पौडेले अध्यक्षले राम्रा काम र नतिजाद्वारा सबै आशंकाहरुलाई चिर्दै पुँजी बजारको विकासमा महत्वपूर्ण योगदान दिन निष्ठापूर्वक र योग्यतापूर्वक काम गर्ने आशा व्यक्त गरे।

नवनियुक्त अध्यक्ष श्रेष्ठले प्राथमिकताका आधारमा काम गर्ने र पुँजीबजारमा रहेका समस्यालाई अवसरका रुपमा बदल्ने प्रतिबद्धता व्यक्त गरे।

प्रकाशित मिति: मंगलबार, मंसिर ११, २०८१ १९:३२

प्रतिक्रिया दिनुहोस्