थप चार करोड लिटर मेलम्ची पानी बागमतीमा छाडियो

पूर्वाधार

गृहपृष्ठ
पूर्वाधार

थप चार करोड लिटर मेलम्ची पानी बागमतीमा छाडियो

क्यापिटल नेपाल शुक्रबार, मंसिर १४, २०८१

काठमाडौं। बालाचतुर्दशी पर्वलाई लक्षित गरेर मेलम्ची खानेपानी विकास समितिको सुन्दरीजलस्थित पानी प्रशोधन केन्द्रबाट बागमती नदीमा थप पानी छाडेको छ।

आज साँझ पशुपतिस्थित कैलाश क्षेत्रमा पितृका नाममा बत्ती बाल्ने र शनिबार बिहान सतबिज छर्ने परम्परा छ। बिहीबार साँझदेखि मेलम्चीको पानी छाडिएको मेलम्ची खानेपानी विकास समितिका कार्यकारी निर्देशक रत्न लामिछानेले जानकारी दिए।

उनले भने, ‘बागमती नदी प्रवाहमा सहयोग गर्न मेलम्चीको पानी बागमतीमा छाड्दै आएको थियौं। बिहीबारदेखि थप करिब ४ करोड लिटर पानी बागमती नदी सफा गर्न छाडेका छौं।’

काठमाडौं उपत्यका खानेपानी केयुकेएललाई बालाचतुर्दशीका दिन पशुपतिनाथस्थित कैलाश क्षेत्रमा लाग्ने मेलामा सहभागी हुने भक्तजनलाई पिउन, स्नानदेखि अन्यकार्य गर्न पुग्ने गरी मेलम्चीको पानीको व्यवस्था मिलाउन पनि निर्देशन दिइएको थियो।

प्रकाशित मिति: शुक्रबार, मंसिर १४, २०८१ १३:२९

प्रतिक्रिया दिनुहोस्