सगरमाथा राष्ट्रिय निकुञ्जमा हेलिकोप्टर सञ्चालनमा रोक(यस्तो छ परिपत्र)

पर्यटन

गृहपृष्ठ
पर्यटन

सगरमाथा राष्ट्रिय निकुञ्जमा हेलिकोप्टर सञ्चालनमा रोक(यस्तो छ परिपत्र)

क्यापिटल नेपालबुधबार, मंसिर २६, २०८१

काठमाडौं। सगरमाथा राष्ट्रिय निकुञ्जले त्यस क्षेत्रमा व्यवसायीक हेलिकोप्टर उडानमा रोक लगाएको छ।
हेलिकप्टर उडान तथा अवतरणका कारण निकुञ्जको वन, वातावरण तथा वन्यजन्तुको सुरक्षा तथा वासस्थान संरक्षणमा थप चुनौती थपिएको भन्दै व्यावसायिक हेलिकोप्टर उडानमा रोक लगाएको हो।

सगरमाथा राष्ट्रिय निकुञ्ज तथा मध्यवर्ती क्षेत्रभित्र अत्यधिक रुपमा व्यावसायिक हेलिकोप्टरको उडान अवतरणमा रोक लगाउने निर्णय भएको हो।
‘हेलिकप्टरको उडानबाट निकुञ्ज तथा मध्यवर्ती क्षेत्रभित्र रहेको बस्तीहरुमा अत्यधिक ध्वनि प्रदूषण समेत भएको छ,’ कार्यालयको निर्णयमा भनिएको छ, ‘अर्कोतर्फ वन्यजन्तु तथा आखेटोपहारसम्बन्धी आपराधिक गतिविधि समेत हुनसक्ने सम्भावना छ।’
निकुञ्ज कार्यालयले अनियन्त्रित रुपमा हुने गरेको हेलिकप्टर उडान तथा अवतरणका कारण निकुञ्जको वन, वातावरण तथा वन्यजन्तुको सुरक्षा तथा वासस्थान संरक्षणमा थप चुनौती थपिएको भन्दै व्यावसायिक हेलिकप्टर उडानमा रोक लगाएको हो।
सगरमाथा राष्ट्रिय निकुञ्ज कार्यालय, खुम्बु पासाङल्हामु गाउँपालिका, सगरमाथा राष्ट्रिय निकुञ्ज मध्यवर्ती क्षेत्र व्यवस्थापन समिति तथा खुम्बु क्षेत्रमा रहेका स्थानीय सरोकारवाला सरकारी गैरसरकारी संघ,संस्थाहरुको मंगलबार बसेको बैठकले हेलिकप्टर उडानमा रोक लगाएको छ।

(यस्तो छ परिपत्र)