सहकारी ठगी आरोपमा सांसद ऋषिकेशकी श्रीमतीविरुद्ध पक्राउ पूर्जी जारी

समाज

गृहपृष्ठ
समाज

सहकारी ठगी आरोपमा सांसद ऋषिकेशकी श्रीमतीविरुद्ध पक्राउ पूर्जी जारी

क्यापिटल नेपालमंगलबार, पुस २, २०८१

काठमाडौँ। सहकारी ठगीको आरोपमा प्रतिनिधिसभाको लेखा समिति संयोजक ऋषिकेश पोख्रेलकी श्रीमती अञ्जला कोइरालाविरुद्ध पक्राउ पूर्जी जारी भएको छ। मोरङमा रहेको उमागौरी सहकारीको बचत हिनामिना गरेको आरोपमा उनीविरुद्ध पक्राउ पूर्जी जारी भएको हो।

उमागौरी सहकारीबाट २२ करोड ४८ लाख २७ हजार रुपैयाँ अपचलन भएको भन्दै कोइरालासहित २५ जनाविरुद्ध पक्राउ पूर्जी जारी भएको छ। उनीहरूविरुद्ध बिगो कायम गरी ८ वर्षसम्म कैद माग दाबी गरिएको छ।

सांसद पत्नी कोइराला उमागौरी सहकारीको पूर्व सञ्चालक थिइन्। सहकारी संकटमा परेपछि उनले पदबाट राजीनामा दिएकी थिइन्।

सदस्यले ऋणको किस्ता बापत सहकारीमा बुझाएको रकम सञ्चालकले प्रयोग गर्दै आएका थिए। सहकारी ठगी मुद्दामा प्रतिवादी भएका २६ जनासँग २२ करोड ४८ लाख २७ हजार बिगो असुल गर्न माग गरिएको छ।

प्रकाशित मिति: मंगलबार, पुस २, २०८१ १३:४९

प्रतिक्रिया दिनुहोस्