भारतबाट बिजुली नआए थप लोडसेडिङ निश्चितः इप्पान अध्यक्ष कार्की

पूर्वाधार

गृहपृष्ठ
पूर्वाधार

भारतबाट बिजुली नआए थप लोडसेडिङ निश्चितः इप्पान अध्यक्ष कार्की

क्यापिटल नेपालशुक्रबार, पुस ५, २०८१

काठमाडौं। स्वतन्त्र ऊर्जा उत्पादकहरूको संस्था(इप्पान) अध्यक्ष गणेश कार्कीले भारतबाट विद्युत् नआएन अझै लोडसेडिङ हुने अवस्था रहेको बताएका छन्। नेपालकै उत्पादनले बाह्रै महिना थेग्न सक्ने व्यवस्था नहुन्जेल यस्तो अवस्था रहिरहने उनको भनाइ छ।

नेपाल पूर्वाधार पत्रकार समाजको तेस्रो वार्षिक साधारणसभा तथा दोस्रो अधिवेशन अवसरमा अध्यक्ष कार्कीले यस्तो बताएका हुन्।

‘अहिलेको सरकार बलियो छ। अहिले ऊर्जा क्षेत्रमा केही भएन भने कहिल्यै केही हुन सक्दैन’, उनले भने, ‘हामीले यो सरकारलाई विश्वास गरेका छौं। निजी विद्युत् प्रवर्द्धकका समस्या समाधान हुनेछन्।’

देश विकासमा पूर्वाधार विकास महत्त्वपूर्ण रहेको उनको भनाइ छ। पूर्वाधार विकासका लागि सिमेन्ट आवश्यक हुने हुँदा मूल्य बढाउनेमाथि कारबाही गर्नुपर्ने माग उनले गरे। ‘यसरी सिमेन्टको मूल्य बढाउँदै जाने हो भने विद्युत् आयोजनाको लागत कति पुग्छ, थाहा हुँदैन,’ उनले भने।

बाह्रै महिना पुग्ने बिजुली उत्पादन गरे मुलुकमा लोडसेडिङ शब्द सुन्नै नपर्ने उनको धारणा छ। ‘नेपालको विद्युुत् क्षेत्रमा निजी क्षेत्रको योगदानको महत्त्वबारे सरकार र प्राधिकरणले बुझ्नुपर्ने उनले बताए।

प्रकाशित मिति: शुक्रबार, पुस ५, २०८१ ११:४८

प्रतिक्रिया दिनुहोस्