कान्तिपुर मिट हाउसमा बिग्रेको मासु बरामद गरी नष्ट गरियो

समाज

गृहपृष्ठ
समाज

कान्तिपुर मिट हाउसमा बिग्रेको मासु बरामद गरी नष्ट गरियो

क्यापिटल नेपालबिहीबार, पुस ११, २०८१

काठमाडौँ। काठमाडौँ महानगर ११ बबरमहलस्थित कान्तिपुर मिट हाउसमा खान नमिल्ने मासु र ससेज फेला परेको छ।

कृषि तथा पशुपंक्षी विभाग र वडाका जनप्रतिनिधिको अनुगमन टोलीले फ्रिजरमा भण्डारण गरिएका १४ प्याकेट म्याद नागेका ससेज र ६० केजी बिग्रेको मासु बरामद गरी नष्ट गरेको हो।

टोलीमा कृषि तथा पशुपंक्षी विभागका खाद्य प्रविधिज्ञ अनिल बस्नेत र अशोक पराजुली तथा वडा नं. ११ का वडा सदस्य दीपेश राउत सहभागी थिए। टोलीले मासु फेला परेपछि पसल सञ्चालकलाई खाद्य स्वच्छतामा ध्यान दिनुपर्ने स्पष्ट निर्देशन दिएको छ।

निर्देशहरूः

१, व्यवसाय तत्काल वडा कार्यालयमा गएर नवीकरण गर्ने।

२, काठमाडौँ महानगरको कार्यालयमा लिखित स्पष्टीकरणसहित उपस्थित हुने।

३, बिग्रेको वा म्याद नागेको खाद्य सामग्री बिक्री नगर्ने-नगराउने।

४, सरसफाइमा ध्यान दिने।

अनुगमन टोलीले बिग्रिएको मासु बिक्री गर्दा जनस्वास्थ्यमा गम्भीर असर पर्ने चेतावनी दिँदै भविष्यमा यस्ता कार्य दोहोर्‍याए कानूनी कारबाही गरिने चेतावनी दिएको छ।

प्रकाशित मिति: बिहीबार, पुस ११, २०८१ १६:१५

प्रतिक्रिया दिनुहोस्