शोधनान्तर २ खर्ब २५ अर्ब र चालू खाता करिब डेढ १ खर्बले बचतमा

बैंकिङ

गृहपृष्ठ
बैंकिङ

शोधनान्तर २ खर्ब २५ अर्ब र चालू खाता करिब डेढ १ खर्बले बचतमा

क्यापिटल नेपाल शुक्रबार, पुस २६, २०८१

काठमाडौं। नेपाल राष्ट्र बैंकले चालू आर्थिक वर्षको ५ महिना मंसिरसम्म शोधनान्तर स्थिति २ खर्ब २५ अर्ब ३४ करोड रुपैयाँले बचतमा पुगेको विवरण सार्वजनिक गरेको छ।

राष्ट्र बैंकले आज सार्वजनिक गरेको तथ्यांकअनुसार अघिल्लो वर्षको यसै अवधिमा शोधनान्तर स्थिति २ खर्ब १६ अर्ब ५ करोडले बचतमा थियो।

अमेरिकी डलरमा अघिल्लो वर्षको सोही अवधिमा १ अर्ब ६३ करोड बचतमा रहेको शोधनान्तर स्थिति समीक्षा अवधिमा १ अर्ब ६७ करोड डलरले बचतमा रहेको विवरणमा उल्लेख छ।

तथ्यांकअनुसार यस अवधिमा चालू खाता १ खर्ब ४० अर्ब ७१ करोडले बचतमा रहेको छ। अघिल्लो वर्षको यसैअवधिमा चालु खाता १ खर्ब ४१ अर्ब ३ करोड रुपैयाँले बचतमा थियो।

चालू खाताको बचत घट्न थालेको छ । आर्थिक वर्ष २०८०/८१ को मंसिरसम्म रहेको चालू खाता बचत अघिल्लो आर्थिक वर्षको सोही अवधिसम्मको बचतको तुलनामा ३२ करोड रुपैयाँले घटेको हो।

यो अवधिमा खुद पुँजीगत ट्रान्सफर ३ अर्ब ५० करोड रहेको छ। अघिल्लो वर्षको सोही अवधिमा यस्तो ट्रान्सफर २ अर्ब ८७ करोड थियो।

मंसिरसम्म ६ अर्ब ३ करोड प्रत्यक्ष वैदेशिक लगानी भित्रिएको छ। अघिल्लो वर्षको सोही अवधिमा यस्तो प्रत्यक्ष वैदेशिक लगानी आप्रवाह ३ अर्ब ९३ करोड रहेको राष्ट्र बैंकको तथ्यांक छ।

प्रकाशित मिति: शुक्रबार, पुस २६, २०८१ १८:३१

प्रतिक्रिया दिनुहोस्