तरलता बढेसँगै ४० अर्ब खिच्दै राष्ट्र बैंक

बैंकिङ

गृहपृष्ठ
बैंकिङ

तरलता बढेसँगै ४० अर्ब खिच्दै राष्ट्र बैंक

क्यापिटल नेपालआइतबार, पुस २८, २०८१

काठमाडौं। नेपाल राष्ट्र बैंकले अधिक तरलता भएसँगै आइतबार ४० अर्ब रुपैयाँ खिच्ने भएको छ। यसअघि राष्ट्र बैंकले गत पुस ९ गतेदेखि यता तीन पटकमा १ खर्ब ७० अर्ब रुपैयाँ खिचेको थियो।

राष्ट्र बैंकले बजारमा थप तरलता बढेपछि आज ४० अर्ब रुपैयाँ खिच्न लागेको हो। बैंक एक सूचना जारी गर्दै २१ दिनका लागि बोलकबोलमा रकम खिच्न लागेको हो। सावाँ तथा ब्याज भुक्तानी आगामी माघ २० गते तोकिएको छ। यसको ब्याज दरसमेत बोलकबोलको माध्यमबाट हुनेछ।

स्वीकृत भएका बोलपत्रबापत रकम बैंकले सम्बन्धित काउण्टर पार्टीको यस बैंकमा रहेको खाता खर्च गरी लिनेछ। बैंकमा संकलित निक्षेपको अलग्गै खाता खोली जम्मा गर्ने छ।

समान ब्याजदर उल्लेख भएका बोल रकम समावेश गर्दा कुल निष्कासित रकमभन्दा बढी भएमा ‘प्रो-रेट बेसिस’मा बाँडफाँट गरिने छ। आव्हान गरिएको रकममध्ये सम्पूर्ण वा आंशिक रकमको बोल स्वीकार वा अस्वीकार गर्ने अधिकार समितिलाई रहने छ।

प्रकाशित मिति: आइतबार, पुस २८, २०८१ ११:१८

प्रतिक्रिया दिनुहोस्