संसद् छलेर अध्यादेश ल्याइनु संसदीय व्यवस्थाको उपहासः पुष्पकमल दाहाल

राजनीति

गृहपृष्ठ
राजनीति

संसद् छलेर अध्यादेश ल्याइनु संसदीय व्यवस्थाको उपहासः पुष्पकमल दाहाल

क्यापिटल नेपाल शुक्रबार, माघ ४, २०८१

तस्बिर, नेपाल फाेटाे लाइब्रेरी

काठमाडौं। पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहालले सरकार निरंकुश बन्दै गएको आरोप लगाएका छन्।

आज बसेको प्रमुख प्रतिपक्षी नेकपा माओवादी केन्द्रसहितका ६ दलको बैठकपछि अध्यक्ष दाहालले संसद् छलेर अध्यादेश ल्याउने सरकारको कदम संसदीय लोकतान्त्रिक प्रणालीविरुद्ध रहेको पत्रकार सम्मेलनमा बताएका हुन्।

उनले भने, ‘संघीय संसद्को नियमित हिउँदे अधिवेशन बोलाएर कानुन निर्माण नगरी, संसदीय समितिमा छलफलको क्रममा रहेका विधेयक फिर्ता नलिई गम्भीर प्रकृतिका कानुन अध्यादेशमार्फत जारी गर्ने सरकारी कदमप्रति ध्यानाकर्षण भएको छ। सरकारले खतरनाक, स्वेच्छाचारी र निरंकुश प्रवृत्ति प्रदर्शन गरेको बैठकको निर्णय छ।’

pratipaxi-baithak-(1)-1737110804.jpg
सरकारले हालै पाँच वटा अध्यादेश ल्याएपछि प्रतिपक्षी दलले त्यसको विरोध गर्दै आएका छन् भने सत्तारुढ कांग्रेस÷एमाले समर्थनमा उत्रिएका छन्।

सिंहदरबार बैठकले गठबन्धनका दलको निहित स्वार्थ पूर्ति गर्न संसद् छलेर राष्ट्रको दूरगामी भविष्यमा गम्भीर असर पार्ने प्रकृतिका कानुन अध्यादेशमार्फत ल्याएको भन्दै त्यसको निन्दा गरेको छ। बैठकले यथाशीघ्र संसद् बोलाउन सरकारसमक्ष माग गरेको छ।

प्रकाशित मिति: शुक्रबार, माघ ४, २०८१ १६:३२

प्रतिक्रिया दिनुहोस्