निःशुल्क मोतियाबिन्दुका बिरामीको शल्यक्रिया गरी चश्मा वितरण

समाज

गृहपृष्ठ
समाज

निःशुल्क मोतियाबिन्दुका बिरामीको शल्यक्रिया गरी चश्मा वितरण

क्यापिटल नेपालमंगलबार, माघ ८, २०८१

काठमाडौं। सङ्खुवासभाको खाँदबारीमा सञ्चालित तेजरत्न आँखा तथा कान उपचार केन्द्रमा ६३ जना मोतियाबिन्दुका बिरामीको निःशुल्क शल्यक्रिया गरिएको छ।

केन्द्रले सोमबार र मंगलबार आयोजना गरेको शिविरमा ५२३ जनाको सामान्य आँखा जाँच गरिएको तेजरत्न आँखा उपचार केन्द्रका प्रमुख क्षितिज बरालले जानकारी दिए।

मेची आँखा अस्पताल झापाको सहयोगमा सञ्चालित शिविरमा सङ्खुवासभा, धनकुटा र भोजपुरका आँखा रोगीले उपचार सेवा लिएका छन्। मेची आँखा अस्पतालका डा. पुरुषोत्तम जोशी नेतृत्वको टोलीले शिविरमा आएका बिरामीको उपचार गरेको थियो।

वडावडामा आँखा जाँच गरेर मोतियाविन्दु लागेका बिरामीको पहिचान गरी उनीहरूलाई निःशुल्क उपचार गरिएको उपचार केन्द्रका प्रमुख बरालले बताए। शिविरमा २५० जनालाई निःशुल्क चश्मा वितरण गरिएको आयोजकले जनाएको छ।

प्रकाशित मिति: मंगलबार, माघ ८, २०८१ १३:५८

प्रतिक्रिया दिनुहोस्