बार्गेनिङ गरी पैसा असुल्न सन्तोष र परिनले दुरुपयोग गर्थे करदाताको युजर, अनुसन्धान गर्दै प्रहरी

समाज

गृहपृष्ठ
समाज

बार्गेनिङ गरी पैसा असुल्न सन्तोष र परिनले दुरुपयोग गर्थे करदाताको युजर, अनुसन्धान गर्दै प्रहरी

क्यापिटल नेपालआइतबार, माघ १३, २०८१

काठमाडौं। करको दायरमा पहुँच पुर्‍याएर पर्वतका सन्तोष पराजुली र गोरखाका परिन पाण्डेले बार्गेनिङ गरी लाभ लिने गरेको प्रहरीले जनाएको छ। भाटभटेनी सुपरमार्केटको एकीकृत कर प्रणालीमा अनाधिकृत पहुँच बनाएर विद्युतीय कसुर गरेको आरोपमा उनीहरू माघ ५ गते पक्राउ परेका थिए।

‍प्रहरीको प्रारम्भिक अनुसन्धानमा यथार्थ विवरणभन्दा बढी वा कम कर तिर्ने र सम्बन्धित करदाताबाट बार्गेनिङ गरेर लाभ लिने गरेको रहस्य खुलेको हो। उनीहरूले चितवनमा बिहादी बिजनेस म्यानेजमेन्ट नामको लेखापरीक्षण गर्ने निजी फर्मसमेत खोलेका थिए।

सोही फर्मबाट करदाताको युजर आईडी र पासपोर्टको अवैधानिक तवरबाट प्रयोग गरी आन्तरिक राजस्व विभागको सफ्टवेर एकीकृत कर प्रणालीबाट कम वा बढी कर तिर्ने गरेको फेला परेको हो।

उनीहरूलाई प्रहरीले भाटभटेनी सुपरमार्केटको एकीकृत कर प्रणालीमा अनाधिकृत पहुँच बनाएर विद्युतीय कसुर गरेको आरोपमा पक्राउ गरेर अनुसन्धान गरिरहेको छ। उनीहरूले आन्तरिक राजस्व विभागको सफ्टवेर एकीकृत कर प्रणालीबाट करदाता भाटभटेनी सुपरमार्केटको युजर आईडी र पासवर्डको अनधिृकत प्रयोग गरी अस्वभाविक कर विवरण पेश गरिदिएका थिए।

उनीहरूलाई प्रहरीले विद्युतीय कारोबार ऐन २०६३ को परिच्छेद ९ कसुरमा पक्राउ गरेको हो। उनीहरूले भाटभटेनी सुपरमार्केटबाट नेपाल सरकारलाई प्राप्त हुने राजस्वको दायराभित्र आउने जम्मा कारोबार रकम २ अर्ब ३४ करोडका राजस्व रकम दायित्व ६ करोड २६ लाख तिर्नुपर्नेमा यसलाई रिवर्तन गरेर १३ करोड ९ लाख तिरेका थिए।

उनीहरूले आफ्नो अडिटफर्मबाट आन्तरिक राजस्व विभागको पोर्टलमा गएर विभिन्न करदाताको कारोबारको विवरण आफू अनुकुल हुने गरी प्रविष्ट गर्दै आएका थिए।

प्रकाशित मिति: आइतबार, माघ १३, २०८१ १३:२९

प्रतिक्रिया दिनुहोस्