मधेस प्रदेशमा नसर्ने रोग पहिचान गर्न एक महिने अभियान सुरु

समाज

गृहपृष्ठ
समाज

मधेस प्रदेशमा नसर्ने रोग पहिचान गर्न एक महिने अभियान सुरु

क्यापिटल नेपालशुक्रबार, फागुन २, २०८१

धनुषा। ‘समयमै नसर्ने रोगको जाँच गराऔँ, स्वस्थ र दीर्घ जीवन बचाऔँ’ भन्ने मूल नाराका साथ आज जनकपुरधामस्थित जनस्वास्थ्य प्रयोगशालामा निःशुल्क स्वास्थ्य जाँच सुरु गरिएको छ।

नसर्ने रोगको रोकथाम तथा सचेतनाका लागि मधेस प्रदेश सरकारका स्वास्थ्य तथा जनसंख्यामन्त्री शत्रुधनप्रसाद सिंहले एक महिने विशेष अभियान शुभारम्भ गरेका थिए।

मन्त्री सिंहले अभियान मधेस मात्र नभई सातै प्रदेशमा एकसाथ सञ्चालन भइरहेको बताए। “रोग लागेपछि उपचार गर्नुको साटो रोग लाग्न नदिन सचेतना आवश्यक छ। यस अभियानले जनतालाई स्वास्थ्य जोखिमबारे जानकारी दिनाका साथै रोग पहिचान तथा रोकथाममा मद्दत पुग्ने छ”, उनले भने।

स्वास्थ्य निर्देशनालयका निर्देशक श्रवणकुमार नायकले नसर्ने रोगको समयमै पहिचान गरी उपचार प्रक्रियामा सहभागी हुन आमनागरिकलाई आग्रह गरे। उनले भने, “जनतालाई प्रारम्भिक चरणमै रोग पहिचान गराई आवश्यक उपचार सेवा उपलब्ध गराउने उद्देश्यले यो अभियान सञ्चालन गरिएको हो। अभियानले नागरिकलाई नसर्ने रोगहरूबारे सचेत बनाउँदै उपचार प्रक्रियामा सहभागी गराउने छ ।”

अभियानका क्रममा प्रदेशका विभिन्न स्थानमा स्वास्थ्य परीक्षण तथा परामर्श सेवा प्रदान गरिनाका साथै १३६ वटै पालिकामा सञ्चालन गरी समुदायस्तरमै रोग पहिचान र रोकथामका उपायबारे जनचेतना अभिवृद्धि गरिने प्रयोगशालाले जनाएको छ।

प्रकाशित मिति: शुक्रबार, फागुन २, २०८१ १३:२९

प्रतिक्रिया दिनुहोस्