सामुदायिक विद्यालयका शिक्षकलाई प्रविधिमा दक्ष बनाइँदै

समाज

गृहपृष्ठ
समाज

सामुदायिक विद्यालयका शिक्षकलाई प्रविधिमा दक्ष बनाइँदै

क्यापिटल नेपाल बुधबार, फागुन ७, २०८१

काठमाडौं। सूचना तथा प्रविधिमा दक्ष बनाउन शिक्षकलाई सूचना, सञ्चार तथा प्रविधिसम्बन्धी ज्ञान सीप सिकाइएको छ। सामुदायिक विद्यालयमा कार्यरत शिक्षकलाई लक्षित गर्दै रोटरी क्लब अफ रामपुरले सो सीप सिकाएको हो।

जसमा पाल्पाका रामपुर नगरपालिका तथा निस्दी, पूर्वखोला र रम्भा गाउँपालिकाका माध्यमिक विद्यालयका शिक्षक रहेका छन्।
कक्षाकोठामा प्रविधिको प्रयोग गरेर पढाउन का लागि सो तालिम दिइएको रोटरी क्लबका अध्यक्ष कृतिनाथ श्रेष्ठले बताए।

उनले भने,'पछिल्लो समय सबैजसो विद्यालयमा कम्प्युटर पढाइ हुन थालको छ, सरकारी तथा विभिन्न निकायबाट कम्प्युटरलगायतका विभिन्न प्रविधियुक्त उपकरण प्राप्त भएका छन्, तर ती उपकरण शिक्षकले प्रयोग गर्न नजान्दा प्रयोगमा नआएको अवस्था रहेको छ, प्रविधिमा सामुदायिक विद्यालयका शिक्षकलाई दक्ष बनाउन प्रविधि सम्बन्धी ज्ञान सीप दिइएको छ।'