चिलिमे जलविद्युत कम्पनीको नाफा घट्यो, ६ महिनामा ३९ करोड ६६ लाख

मुख्य समाचार

गृहपृष्ठ
मुख्य समाचार

चिलिमे जलविद्युत कम्पनीको नाफा घट्यो, ६ महिनामा ३९ करोड ६६ लाख

क्यापिटल नेपालसोमबार, माघ २७, २०७६

काठमाडौं । चिलिमे जलविद्युत कम्पनी लिमिटेडको नाफा घटेको छ । चालु आर्थिक वर्षमा कम्पनीको नाफा १५.४१ प्रतिशत घटेको छ । चालु आर्थिक वर्षको दोस्रो त्रैमाशमा चिलिमेले ३९ करोड ६६ लाख रुपैयाँ खुदनाफा गरेको छ ।

गत वर्षको सोही अवधिमा चिलिमेले ४५ करोड ३१ लाख रुपैयाँ नाफा गरेको थियो । गत वर्षको तुलनामा चालु आर्थिक वर्षमा ५ करोड ६५ लाख रुपैयाँ नाफा घटेको छ ।

नाफा घटेपछि प्रतिसेयर आम्दानीमा कमी आएको छ । प्रतिसेयर आम्दानी १३ रुपैयाँ ८९ पैसा छ । गत वर्ष १९ रुपैयाँ थियो ।
आयकर र रोयल्टि रकममा वृद्धि भएपछि यसको असर नाफामा परेको चिलिमेले जनाएको छ ।

चालु आर्थिक वर्षको ६ महिनामा कम्पनीको बिजुली बिक्रीबाट हुने आम्दानी ५५ लाख ८९ हजार रुपैयाँ घटेको छ । ६ महिनामा कम्पनीले ६१ करोड ८६ लाख रुपैयाँ बिजुली बिक्रीबाट आम्दानी गरेको छ । गत वर्षको सोही अवधिमा ६२ करोड ४२ लाख रुपैयाँ आम्दानी गरेको थियो ।

प्रकाशित मिति: सोमबार, माघ २७, २०७६ ०८:१९

प्रतिक्रिया दिनुहोस्