भिस्ताराको काठमाडौं–दिल्ली उडान सुरु, दुईतर्फि भाडा १५ हजार ८ सय

मुख्य समाचार

गृहपृष्ठ
मुख्य समाचार

भिस्ताराको काठमाडौं–दिल्ली उडान सुरु, दुईतर्फि भाडा १५ हजार ८ सय

क्यापिटल नेपाल बुधबार, माघ २९, २०७६

काठमाडौं । भिस्तारा एयरलाइन्सले काठमाडौं–दिल्ली उडान सुरु गरेको छ । मंगलबारबाट दैनिक १ उडान गरेको एयरलाइन्सको दुईतर्फि भाडा १५ हजार ८०० र विजनेश क्लासको भाडा ६१ हजार रुपैयाँ तोकेको छ ।

भिस्तारका प्रमुख व्यापारिक अधिकृत बिनोद कन्नले नेपाल उडानले उत्साहित भएको बताए । नेपाल जाने र दिल्ली आउने यात्रुहरुलाई विश्वस्तरीय सेवा र अनुपम सेवा प्रदान गर्न तर्फ प्रतिबद्ध भएर लाग्ने उनको भनाइ छ । भिस्तारामा भारतको एक मात्र पाँचतारे हवाई सेवाको अनुभव गर्न पाइने उनले बताए ।
भिस्तारामा तीन श्रेणीको सिटको व्यवस्था रहेपनि नेपाल र दिल्लीको यात्रामा भने प्रिमियम र इकोनिम वर्गको मात्र सुविधा रहेको छ ।भिस्ताराले नेपालको जेनरल सेल्स एजेन्ट (जीएसए) ट्राभल राइट रहेको छ ।

ट्राभल राइटका प्रमुख कार्यकारी अधिकृत (सीईओ) निरज रिजालले हाल दैनिक एक उडान गरिरहेको भएपनि केहि समयपछि अर्को उडान पनि थप्ने तयारी रहेको बताए । अहिलेको उडान उत्साहजनक भएकोले तत्कालै अर्को थप्ने तयारी उसको छ । उनीसँग सिंगापुर एयरलाइन्समा काम गरेको अनुभव छ ।

टाटा समूह र सिंगापुर एयरलाइन्सको जोइन्ट भेन्चरमा सञ्चालित भिस्ताराको भारत बाहिरको नेपाल पाँचौ अन्तर्राष्ट्रिय गन्तव्य हो । भिस्तारामा टाटाको ५१ र सिंगापुर एयरलाइन्सको ४९ प्रतिशत सेयर छ । सन २०१५ मा दिल्ली मुम्बइ उडान सुरु गरेको यो कम्पनीले २३ वटा एयरबस ३२० र नौओटा बोइङ ७३७ मार्फत साताको १ हजार २०० वटा उडान गर्दै आएको छ।

कम्पनीले एयर बस र बोइङ विमानबाट सेवा दिदै आएको जनाएको छ । दैनिक दुई सय उडान गर्दै आएको कम्पनीले हालसम्म २० लाख सेवाग्राहीलाई सेवा दिइसकेको जनाएको छ ।

प्रकाशित मिति: बुधबार, माघ २९, २०७६ १३:१३

प्रतिक्रिया दिनुहोस्