सिटिजन्स बैंक–फोन पे र एफवान सफ्ट सहकार्य, बम्पर उपहारमा आइफोन १६

कर्पोरेट बजार

गृहपृष्ठ
कर्पोरेट बजार

सिटिजन्स बैंक–फोन पे र एफवान सफ्ट सहकार्य, बम्पर उपहारमा आइफोन १६

क्यापिटल नेपाल सोमबार, चैत ४, २०८१

काठमाडौं। सिटिजन्स बैंक इन्टरनेसनलले फोन पे र एफवान सफ्टसँगको सहकार्यमा ‘टपअप र फोन पे डाइरेक्ट गरौं, बम्पर उपहार जितौं’ योजना भियान सार्वजनिक गरेको छ।

योजनाअन्तर्गत ग्राहकले आकर्षक उपहार जित्ने अवसर पाउनुका साथै बम्पर उपहारमा आइफोन १६ पनि प्राप्त गर्न सक्ने बैंकले जनाएको छ।

योजनाको मुख्य उद्देश्य डिजिटल कारोबारलाई प्रवर्द्धन गर्दै मोबाइल बैंकिङ सेवाको प्रयोग बढाउने रहेको बैंकले बताएको छ। बैंकले डिजिटल भुक्तानीलाई प्रोत्साहन गर्दै ग्राहकलाई सजिलो, सुरक्षित र आधुनिक बैंकिङ सेवा उपलब्ध गराउने लक्ष्य राखेको छ।

अभियानमा सहभागी हुन ग्राहकले सिटिजन्स स्मार्ट मोबाइल बैंकिङ एपमार्फत कम्तीमा १०० रुपैयाँको मोबाइल टपअप र कम्तीमा ५०० रुपैयाँको फोन पे डाइरेक्ट कारोबार गर्नुपर्नेछ।

अभियानअन्तर्गत हरेक हप्ता १०० जना विजेताले १०० रुपैयाँको मोबाइल टपअप प्राप्त गर्नेछन्। त्यसैगरी योजना अन्त्यमा १ भाग्यशाली ग्राहकले नयाँ आइफोन १६ जित्न सक्ने बैंकले बताएको छ।

बैंकले हाल १९९ शाखा, १६६ एटिएम, ३ विस्तारित काउन्टर र ७४ वटा शाखारहित इकाइबाट बैंकिङ सेवा दिँदै आएको छ।

प्रकाशित मिति: सोमबार, चैत ४, २०८१ ०६:२६