एभरेष्ट बैंकले कमायो साढे ३ अर्ब खुदनाफा, लाभांश क्षमता ३४.०९ प्रतिशत

बैंकिङ

गृहपृष्ठ
बैंकिङ

एभरेष्ट बैंकले कमायो साढे ३ अर्ब खुदनाफा, लाभांश क्षमता ३४.०९ प्रतिशत

क्यापिटल नेपाल आइतबार, वैशाख ७, २०८२

काठमाडौं। चालु आर्थिक वर्षको चैत मसान्तसम्म एभरेष्ट बैंकले करिब साढे ३ अर्ब रुपैयाँ खुदनाफा आर्जन गरेको छ। बैंकले गत आर्थिक वर्षको आर्जित नाफामा ३२.५५ प्रतिशतले नाफामा वृद्धि गरी चालु वार्षको सोही अवधिमा ३ अर्ब ४५ करोड ७६ लाख रुपैयाँ खुदनाफा कमाएको हो।

बैंकद्वारा सार्वजनिक चालु वर्षको तेस्रो त्रैमासको अपरिस्कृत वित्तीय विवरणअनुसार बैंकले सो अवधिमा ३ अर्ब ६७ करोड ८७ लाख रुपैयाँ वितराणयोग्य नाफा कमाएको छ। जसबाट बैंकले सेयरधनीलाई ३४.०९ प्रतिशत लाभांश वितरणको क्षमता राख्छ। गत वर्षको सोही अवधिमा बैंकले २ अर्ब ७५ करोड रुपैयाँ वितरणयोग्य नाफा कमाएको थियो।

यसैगरी,समीक्षा अवधिमा बैंकले २ खर्ब ६६ अर्ब ४३ करोड रुपैयाँ निक्षेप संकलन गरी २ खर्ब १६ अर्ब १७ करोड रुपैयाँ कर्जा प्रवाह गरेको छ। जसमार्फत बैंकले ६ अर्ब ७४ करोड ३९ लाख रुपैयाँ खुद ब्याज आम्दानी गरेको छ। सोही अवधिमा बैंकले ७ अर्ब ९० करोड ३९ लाख रुपैयाँ खुद संचालन आम्दानी गरेको छ।

चालु वर्षको चैत मसान्तसम्म बैंकको निष्कृय कर्जा अनुपात (एनपिएल) ०.६४ प्रतिशत रहेको छ। गत वर्षको सोही अवधिमा बैंकको एनपिएल ०.७४ प्रतिशत रहेको थियो।

उक्त अवधिमा बैंकको बेसरेट ५.६१ प्रतिशत, स्प्रेडरेट ३.६७ प्रतिशत, सिडी रेसियो ८४.०७ प्रतिशत, कष्ट अफ फण्ड १२.६७ प्रतिशत रहेको छ भने, चैत मसान्तसम्म बैंकको प्रतिसेयर आम्दानी ३५ रुपैयाँ ६१ पैसा र प्रतिसेयर नेथवर्क २ सय ३५ रुपैयाँ ४७ पैसा रहेको छ।

प्रकाशित मिति: आइतबार, वैशाख ७, २०८२ ११:४४

प्रतिक्रिया दिनुहोस्