६ करोड लागतमा खानेपानी आयोजना निर्माण, शुक्लाफाँटाका ५१० परिवार लाभान्वित

पूर्वाधार

गृहपृष्ठ
पूर्वाधार

६ करोड लागतमा खानेपानी आयोजना निर्माण, शुक्लाफाँटाका ५१० परिवार लाभान्वित

क्यापिटल नेपाल सोमबार, वैशाख ८, २०८२

काठमाडाैं। कञ्चनपुरकाे शुक्लाफाँटा नगरपालिका–२ ढकनियाँमा छ करोड ८० हजार रुपैयाँ लागतमा खानेपानी आयोजना निर्माण गरिएको छ। उक्त आयोजना निर्माण भएपछि सो वडाका पाँच सय १० परिवार लाभान्वित भएका छन्।

सङ्घीय सरकार र नगरपालिकाको ५०/५० प्रतिशत लागतमा खानेपानी आयोजना निर्माण गरिएको हो। नगरपालिकाको पूर्वाधार विकास तथा व्यवस्थापन शाखाका प्रमुख दीपक धामीका अनुसार उक्त आयोजनाअन्तरगत बोरिङ ड्रिल, दुई सय २५ घन मिटरको ट्याङ्की, पाँच सय १० परिवारको घरमा धारा जडान, २२ किलोमिटर पाइपलाइन विच्छ्याउनेलगायत कार्य पूरा भएको छ।

उक्त खानेपानी आयोजना निर्माण गर्न ‘उच्चकोटी ड्रिलिङ एण्ड कन्स्ट्रक्सन कम्पनी’सँग २०८० वैशाखमा सम्झौता भएको हो। सम्झौता अनुसार २०८१ फागुनसम्म सो आयोजना निर्माण सम्पन्न गर्ने तय गरिएको थियो। सो वडाका ढकनियाँ,रानीपुर,लक्ष्मीपुरलगायत गाउँका बासिन्दाको घर घरमा खानेपानीका धारा जडान गरिएका प्रमुख धामीले जानकारी दिए।

प्रकाशित मिति: सोमबार, वैशाख ८, २०८२ १५:१७

प्रतिक्रिया दिनुहोस्