परिमाण घटाइ मूल्य बढाइ सामान बेच्ने अल्फा बिजनेश पर्‍याे वाणिज्यकाे कारबाहीमा

कर्पोरेट बजार

गृहपृष्ठ
कर्पोरेट बजार

परिमाण घटाइ मूल्य बढाइ सामान बेच्ने अल्फा बिजनेश पर्‍याे वाणिज्यकाे कारबाहीमा

क्यापिटल नेपाल आइतबार, वैशाख १४, २०८२

काठमाडौं । वाणिज्य, आपूर्ति तथा उपभोक्ता संरक्षण विभागले काठमाडौंको अल्फा बिजनेस प्रालिलाई २ लाख रुपैयाँ जरिबाना तिराएको छ । विभागले आइतबार नियमित अनुगमन अन्तर्गत ९ वटा उद्योग तथा फर्म अनुगमन गरेको थियो । सोही क्रममा काठमाडौं महानगरपालिका–११ मा रहेको अल्फा बिजनेसलाई २ लाख रुपैयाँ जरिबाना तिराइएको हो ।

उक्त उद्योगले आफ्ना उत्पादनमा रि–लेबलिङ गरेको, गुणस्तर, परिमाण, मूल्य र नापतौलमा हेरफेर गरेको पाइएपछि जरिबाना तिराइएको विभागले जनाएको छ ।

विभागका अनुसार उक्त उद्योगलाई उपभोक्ता संरक्षण ऐन २०७५ को दफा ३८ (ङ) को कसुर र सोही ऐनको दफा ३९ को १ (ख) बमोजिम कारबाही गरिएको छ । यस्तै अनुगमन गरिएका ९ मध्ये ६ उद्योगलाई ३ दिनदेखि ७ दिनभित्र आवश्यक कागजात सहित विभागमा उपस्थित हुन भनिएको छ । २ उद्योगलाई उपभोक्ता संरक्षण ऐन २०७५ को पूर्णपालना गरी व्यवसाय सञ्चालन गर्न निर्देशन दिइएको छ ।

प्रकाशित मिति: आइतबार, वैशाख १४, २०८२ १८:५२