एनसेलले तिर्यो प्रविधि क्षेत्रमा सबैभन्दा बढी आयकर, सरकारले गर्यो सम्मान

कर्पोरेट बजार

गृहपृष्ठ
कर्पोरेट बजार

एनसेलले तिर्यो प्रविधि क्षेत्रमा सबैभन्दा बढी आयकर, सरकारले गर्यो सम्मान

क्यापिटल नेपाल शुक्रबार, वैशाख १९, २०८२

काठमाडौं। सरकारले देशको सूचना तथा सञ्चार प्रविधि (आईसीटी) क्षेत्रको सबैभन्दा धेरै आयकर तिर्ने करदाताका रुपमा एनसेललाई सम्मान गरेको छ। राजधानीमा शुक्रबार आयोजित ८औं राष्ट्रिय सूचना तथा सञ्चार प्रविधि दिवस २०८२ को विशेष कार्यक्रममा एनसेललाई साे सम्मान प्रदान गरिएको हो।

देशमा आईसीटीको विकास र प्रर्वद्धनका लागि प्रत्येक वर्ष मे २ लाई ‘राष्ट्रिय सूचना तथा सञ्चार प्रविधि दिवस’ का रूपमा मनाईदै आएको छ। कार्यक्रममा सम्माननीय प्रधानमन्त्री केपी शर्मा ओलीले एनसेलका मार्केटिङ,कम्युनिकेसन्स तथा सस्टेनेबिलिटी डाइरेक्टर पुनम सिंहलाई सम्मानपत्र प्रदान गरेका थिए।

एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले आईसीटीको क्षेत्रमा कम्पनीकाे योगदानलाई कदर गर्दै सरकारले गरेकाे सम्मानमा खुसी व्यक्त गरेका छन्। उनले धेरै कर तिर्ने करदातामध्ये एकको रूपमा एनसेलले प्रत्येक वर्ष विभिन्न कर तथा शुल्क शीर्षकअन्तर्गत सरकारलाई करमा महत्वपूर्ण योगदान गर्दै आएको जिकिर गरे।

“देशको आईसीटी विकास र आर्थिक वृद्धिमा महत्वपूर्ण योगदान दिन पाउँदा हामी गर्व गर्छौं। हाम्रो थिम ‘हामी तपाईंकै लागि’को मुल मर्मअनुसार हामी आईसीटीको विकासमा निरन्तर योगदान गर्दै डिजिटल नेपालको भिजन अनुसार डिजिटल भविष्यका लागि कार्य गर्न प्रतिबद्ध छौं,” उनले भने।

विगत लामो समयदेखि एनसेल सबैभन्दा बढी कर तिर्ने एक कम्पनीको रुपमा स्थापित रहँदै आएको छ। यसअघि पनि एनसेलले विभिन्न समयमा सरकारबाट सर्वोत्कृष्ट करदाता, सर्वोत्कृष्ट आयकरदातालगायतको सम्मान पाइसकेकाे छ। संस्थागततर्फ गत आर्थिक वर्ष २०८०/८१ मा सबै भन्दा बढी कर योगदान गरेकोमा एनसेल ललितपुर महानगरपालिकाबाट उत्कृष्ट करदाताका रुपमा सम्मानित भएको थियो।

प्रकाशित मिति: शुक्रबार, वैशाख १९, २०८२ १८:०२

प्रतिक्रिया दिनुहोस्