महिना दिनमै साढे दुई लाख अफगान शरणार्थी स्वदेश फिर्ता

अन्तर्राष्ट्रिय

गृहपृष्ठ
अन्तर्राष्ट्रिय

महिना दिनमै साढे दुई लाख अफगान शरणार्थी स्वदेश फिर्ता

क्यापिटल नेपाल सोमबार, वैशाख २२, २०८२

काठमाडौं। अप्रिल महिनामा मात्रै साढे दुई लाखभन्दा बढी अफगान शरणार्थी छिमेकी मुलुक पाकिस्तान र इरानबाट स्वदेश फर्केको शरणार्थीका लागि राष्ट्र संघीय उच्च आयुक्त (यूएनएचसीआर) जनाएको छ।

स्वदेश फिर्ता हुनेमध्ये अधिकांश महिला तथा बालबालिका रहेका जनाइएको छ। शरणार्थी समयमा उनीहरू शिक्षा, आवागमनको स्वतन्त्रतालगायतका प्रतिबन्धका विचमा अनिश्चित भविष्यको सामना गरिरहेका छन्।

उनीहरूले स्वऐच्छिक रुपमा सुरक्षित र सम्मानजनक फिर्ता हुन पाउनुपर्ने युएनएचसीआरले सामाजिक सञ्जाल एक्समार्फत जनाएको छ।

करिब ७० लाख अफगान शरणार्थीमध्ये अधिकांश कागजातविहीन आप्रवासी हाल विदेशमा बसिरहेका छन् अधिकांश इरान र पाकिस्तानमा छन्।

पाकिस्तानी सरकारले सन् २०२५ सम्ममा ३० लाख अफगानीहरूलाई निष्कासन गर्ने योजना बनाएको छ भने इरानी अधिकारीहरूले कागजातविहीन अफगानीहरूलाई आफ्नो घर फर्कन आग्रह गरेका छन्।

अफगानिस्तानको चरम गरिबी र बेरोजगारीले आफ्ना नागरिकहरूलाई इरान पाकिस्तान लगायतका वैदेशिक मुलुकमा अवसरहरूको खोजी गर्दै देश छोड्न बाध्य पारेको जनाइएको छ।

प्रकाशित मिति: सोमबार, वैशाख २२, २०८२ १६:०९

प्रतिक्रिया दिनुहोस्