काठमाडौं। पछिल्ला दिनमा भारत र टर्कीबीच चिसिएको कूटनीतिक सम्बन्धले व्यापार, पर्यटन र उद्योग क्षेत्रमा प्रत्यक्ष असर पारेको देखिएको छ। पाकिस्तानप्रति टर्कीको खुला समर्थन र भारतीय सुरक्षामा चिन्तासँगै भारतले टर्कीविरुद्ध कडा कूटनीतिक, आर्थिक र सांस्कृतिक कदम चाल्न थालेको छ।
पाकिस्तान प्रशासित काश्मिरमा भएको आतंकवादी आक्रमणपछि भारतले पाकिस्तानमाथि कारबाही गरेसँगै, टर्कीका राष्ट्रपति रेचेप तैयप एर्दोगानले पाकिस्तानलाई समर्थन जनाउँदै भारतको कदमको आलोचना गरे। उनले अन्तर्राष्ट्रिय समुदायलाई घटनाको छानबिन गर्न आह्वानसमेत गरेपछि भारत आक्रोशित बनेको हो।
भारतीय सुरक्षामा चिन्तास् टर्कीका ड्रोन र मिडियामाथि कारबाही
भारतले पाकिस्तानले प्रयोग गरेको टर्की–निर्मित ड्रोन आफ्नो सीमामा प्रयोग गरेको भन्दै कडा आपत्ति जनाएको छ। यस्तै, टर्कीको सरकारी प्रसारण संस्था टीआरटी वर्ल्डले फैलाएको भ्रामक सामग्रीप्रति आपत्ति जनाउँदै भारतले यसको एक (पूर्व ट्वीटर) अकाउन्ट प्रतिबन्ध लगाएको छ।
व्यापार र आयातमा गिरावट
भारतमा टर्कीका वस्तुहरूको बहिष्कार अभियानले तीव्रता पाएको छ। टर्कीबाट आयात हुने स्याउ, मार्बललगायतका वस्तु बहिष्कारमा परेका छन्। मेकमाई ट्रिपलगायतका प्रमुख ट्राभल कम्पनीहरूले टर्की भ्रमण प्याकेज पूर्ण रूपमा स्थगित गरेका छन्।
वाणिज्य मन्त्रालयका अनुसार, चालु आर्थिक वर्षको पहिलो ११ महिनामा भारत–टर्की व्यापार करिब १५ प्रतिशतले घटेको छ। त्यस्तै, टर्कीबाट आयात १७।२५ प्रतिशतले घटेको जनाइएको छ।
मेकमाई ट्रिपका अनुसार, टर्कीका लागि नयाँ बुकिङ ६० प्रतिशतले घटेको छ भने बुकिङ क्यान्सिलेसन २५० प्रतिशतले बढेको छ। भारतीय चलचित्र उद्योगसम्बद्ध संघ एफडब्लुआइसीईले टर्कीलाई छायांकन स्थलको रूपमा बहिष्कार गर्न कलाकारहरूलाई आग्रह गरेको छ।
