सिटिजन्स बैंकद्वारा शवदाह गृह निर्माण गर्न सहयोग

बैंकिङ

गृहपृष्ठ
बैंकिङ

सिटिजन्स बैंकद्वारा शवदाह गृह निर्माण गर्न सहयोग

क्यापिटल नेपालबिहीबार, जेठ ८, २०८२

काठमाडौं। सिटिजन्स बैंक इन्टरनेसनल लिमिटेडले संस्थागत सामाजिक उत्तरदायित्व कार्यक्रमअन्तर्गत शवदाह गृह निर्माणका लागि सहयोग गरेको छ। बैंकले लुम्बिनी प्रदेश बाँके जिल्लाको कोहलपुर नगरपालिका ११ लाई शवदाह गृह निर्माण गर्न आवश्यक सहयोग गरेको हो।

नगरपालिकाको दुदुवा र रोहिणी नदीको संगममा निर्माणाधीन शवदाह गृहले स्थानीय बासिन्दालाई परम्परागत दाह संस्कारको तुलनामा सुलभ र वातावरणमैत्री विकल्प प्रदान गर्ने लक्ष्य राखेको छ।

संस्थामा आयोजित एक समारोहबीच बैंकका प्रमुख कार्यकारी अधिकृत गणेशराज पोखरेलले सहयोग हस्तान्तरण गरेका हुन्। समारोहलाई सम्बोधन गर्दै प्रमुख कार्यकारी अधिकृत पोखरेलले सामाजिक कार्यका लागि सहयोग गर्न पाउँदा खुसी लागेको बताए।

प्रकाशित मिति: बिहीबार, जेठ ८, २०८२ १५:५५

प्रतिक्रिया दिनुहोस्