कान्तिपुर फर्मास्युटिकल्स ल्याबको सेयर प्रत्याभूति सम्झौता

सेयर

गृहपृष्ठ
सेयर

कान्तिपुर फर्मास्युटिकल्स ल्याबको सेयर प्रत्याभूति सम्झौता

क्यापिटल नेपालबुधबार, जेठ १४, २०८२

काठमाडौं। साधारण सेयर बिक्री प्रक्रियामा रहेको कान्तिपुर फर्मास्युटिकल्स ल्याबले सेयर प्रत्याभूति सम्झौता गरेको छ। कम्पनीले आईपीओ जारी गर्न सेयर अन्डरराइटिङ (धितोपत्र प्रत्याभूति)का लागि एलिट क्यापिटललाई जिम्मेवारी दिएको हो।

एलिट क्यापिटल र कान्तिपुर फर्मास्युटिकल्सबीच सम्झौतामा हस्ताक्षर भएको छ। एलिटले कान्तिपुरको १७ करोड बराबरको १७ लाख कित्ता साधारण सेयरको प्रत्याभूति गरेको हो। सम्झौतामा कान्तिपुर फर्मास्युटिकल्सका प्रबन्ध सञ्चालक नवराज पौडेल र एलिट क्यापिटलका कार्यकारी अध्यक्ष दिनेश आचार्यले हस्ताक्षर गरे।

कान्तिपुर फर्मास्युटिकल्सले सेयर बिक्रीका लागि नेपाल धितोपत्र बोर्डमा निवेदन दिएको छ। यसको बिक्री प्रबन्धक मुक्तिनाथ क्यापिटल रहेको छ। ६३ करोड चुक्तापुजी भएको सो कम्पनीले अंकित मूल्य १०० मा १७ लाख कित्ता आईपीओ निष्कासन गर्ने प्रक्रिया सुरु गरेको छ।

हाल कम्पनीले औषधी व्यवस्था विभागबाट ६१ औषधी उत्पादन स्वीकृति प्राप्त गरिसकेको छ। कम्पनीले २१ वटा अन्य आहारपुरक सप्लिमेन्टको समेत उत्पादन तथा बिक्री वितरण गर्दै आएको छ।

प्रकाशित मिति: बुधबार, जेठ १४, २०८२ ०७:२५

प्रतिक्रिया दिनुहोस्