सहुलियत कृषि कर्जाका लागि बैंकहरुले सहजीकरण गर्ने

बैंकिङ

गृहपृष्ठ
बैंकिङ

सहुलियत कृषि कर्जाका लागि बैंकहरुले सहजीकरण गर्ने

क्यापिटल नेपालबुधबार, जेठ १४, २०८२

काठमाडौं। कृषक तथा उद्यमीहरुलाई सहुलियतपूर्ण कर्जा प्रवाहका लागि स्याङ्जामा रहेका बैंकहरुले सहजीकरण गर्ने भएका छन्। कृषकहरुले सहजरुपमा कृषि कर्जा नपाएको गुनासो गरे पछि बैंकहरुले सहजीकरण गर्ने र कर्जा उपलव्ध गराउने प्रतिबद्धता जनाएका हुन्।

वालिङ र गल्याङ नगरपालिका तथा कालीगण्डकी गाउँपालिकाका जनप्रतिनिधि तथा कृषकहरुसँगको छलफलपछि बैंकका प्रतिनिधिहरुले यस्तो प्रतिबद्धता जनाएका हुन्।

वालिङमा भएको कार्यक्रममा गरिमा विकास बैंकका क्षेत्रिय प्रमुख लेखनाथ भट्टराईले सहज रुपमा कर्जा पाउने तरिकाबारेमा कृषकहरुमा जानकारी कम रहेको बताए।

उनले भने,“ऋण बारेको जानकारी अभाव भएका कारण कृषकलाई कुरा बुझाउनै सकिएको छैन।” वित्तिय साक्षरता दिनका लागि पालिकाहरुसँग सहकार्य गर्ने उनको भनाइ छ।

कृषि विकास बैंक वालिङका प्रमुख यमप्रसाद आचार्यले वास्तविक कृषकलाई ऋण प्रवाह गर्न आफूहरु प्रतिबद्ध रहेको उल्लेख गरे। बैंकको कुल लगानीको २५ प्रतिशत कर्जा कृषिमा लगानी गरिदै आएको उनको भनाइ छ।

कार्यक्रममा वालिङ नगरपालिकाका उपप्रमुख कविता तिवारी गैह्रे, गल्याङ नगरपालिकाका उपप्रमुख हेमा न्यौपाने र कालीगण्डकी गाउँपालिकाका प्रमुख प्रशासकीय अधिकृत पर्शुराम उपाध्यायले कृषकहरुका लागि सहुलियत कर्जा प्रदान गर्न पालिकाले सहकार्य गर्ने जानकारी गराए।

प्रकाशित मिति: बुधबार, जेठ १४, २०८२ १३:२५

प्रतिक्रिया दिनुहोस्