बढ्न थाल्यो सेयर बजार, २७ सय विन्दुमा फर्किंदै

सेयर

गृहपृष्ठ
सेयर

बढ्न थाल्यो सेयर बजार, २७ सय विन्दुमा फर्किंदै

क्यापिटल नेपाल बुधबार, जेठ १४, २०८२

काठमाडौं। साताको अन्तिम कारोबार दिन आज सेयर बजारमा उछाल आएको छ। नेपाल स्टक एक्सचेञ्ज (नेप्से) १७.४४ अंकले वृद्धि हुँदै रोकिएको हो। योसँगै बुधबार सेयर बजार २६९३ विन्दुमा पुगेर बन्द भएको छ।

सेयर बजार वृद्धि हुँदा कारोबार रकम अघिल्लो दिनको तुलनामा दुई अर्बले बढेको छ। मंगलबार साढे ६ अर्बको कारोबार हुँदा आज साढे आठ अर्बभन्दा बढीको सेयर कारोबार भएको हो।

आज कारोबार भएकामध्ये तीन कम्पनीको सेयर मूल्यमा सकारात्मक सर्किट लागेको छ। जसमा ओम मेगाश्री फार्मास्युटिकल लिमिटेड, ग्रीन विकास बैंक लिमिटेड र पुरे इनर्जी लिमिटेडको सेयरमा सर्किट लागेको हो

यस्तै, सबैभन्दा बढी सेयर मूल्य गिरावट हुनेमा बाराही हाइड्रो पावर पब्लिक लिमिटेड रहेको छ। आज १४८ कम्पनीको सेयर मूल्य वृद्धि हुँदा ९७ कम्पनीको मूल्यमा गिरावट आएको छ। दुई कम्पनीको सेयर मूल्य यथावत रहेको छ।

प्रकाशित मिति: बुधबार, जेठ १४, २०८२ १५:०८

प्रतिक्रिया दिनुहोस्