नकारात्मक सर्किट ब्रेक पछि दुइ घण्टा अगाडी कारोबार बन्द, गुमाउँनेमा बैंकका लगानीकर्ता बढी

मुख्य समाचार

गृहपृष्ठ
मुख्य समाचार

नकारात्मक सर्किट ब्रेक पछि दुइ घण्टा अगाडी कारोबार बन्द, गुमाउँनेमा बैंकका लगानीकर्ता बढी

क्यापिटल नेपाल मंगलबार, फागुन २७, २०७६

काठमाडाैं । चार दिन पछि खुलेको सेयर मार्केटमा मंगलबार पहिरो गएको छ । बजार खुल्नासाथ ओरालो लाग्न थालेको सेयर बजारमा पहिलो घण्टामै ४ प्रतिशत घटेर पहिलो नकारात्मक सर्किट लागेको थियो।

त्यसपछि खुलेको बजारमा फेरि लगातार ५ प्रतिशत र ६ प्रतिशत घटेर नकारात्मक सर्किट लागेपछि मंलगबारको लागि बजार नै बन्द गरिएको छ। कोरोना भाइरस आतंकले विश्ब बजारकै अर्थतन्त्रमा नकारात्मक असर परिरहेकोले नेपालका लगानीकर्ताहरु पनि आत्त्तिएर सेयर बिक्री गर्न लागेको सेयर ब्रोकरहरु बताउँछन् । सोहि कारण बजार लगातार नकारातमक सर्किट ब्रेक लागेर नेप्से ८६.३९ अंक घटेको छ ।

मंगलबारको मार्केटमा ६ प्रतिशतले बजार घट्दा कारोबार रकम पनि घटेर १ अर्ब ७ करोडमा सिमित भएको छ । नेप्सेको सम्पुर्ण उपसुचकहरु पनि घटेर राताम्मे भएको छ । सबैभन्दा बढी लाइफ इन्स्योरेन्स उपसमुहको ७६२ अंक घटेको छ । मंगलबारको बजारमा एक दर्जन कम्पनीको कारोबारमा नकारात्मक सर्किट ब्रेक लागेको छ ।

बढी गुमाउने लगानीकर्ताहरुमा नेपाल लाइफ इन्स्योरेन्स, एनआईसी एसिया, एनएमबी बैंक, नबिल बैंक, ग्लोबल आइएमई बैंक, हिमालयन डिस्टिलरी, प्रभु बैंक, सिटिजन इन्भेस्टमेन्ट, नेपाल बैंक लिमिटेड, एभरेष्ट बैंकलगायतका छन् ।