नाजायज माग तेर्स्याएर देशभर सार्वजनिक यातायात ठप्प पार्ने व्यवसायीको चेतावनी

समाज

गृहपृष्ठ
समाज

नाजायज माग तेर्स्याएर देशभर सार्वजनिक यातायात ठप्प पार्ने व्यवसायीको चेतावनी

क्यापिटल नेपाल आइतबार, जेठ १८, २०८२

काठमाडौं। सार्वजनिक यातायात व्यवसायीले १९ गते देशभर सवारी साधान यातायात बन्द गर्ने भएका छन्। आइतबार सार्वजनिक यातायात व्यवसायीले एक संयुक्त विज्ञप्ति जारी गर्दै १९ गतेदेखि देशभर सार्वजनिक यातायात बन्द गर्ने घोषणा गरेका हुन्।

गण्डकी प्रदेश सरकारले नियमावली नै जारी गरेर राइड सेयरिङका नाममा नीजि सवारी साधनलाई पनि यात्रु ओसारपसारमा प्रयोग गर्न दिएको भन्दै आन्दोलित व्यवसायीले सोमबारबाट सवारीसाधन घर, ग्यारेजमा थन्काएर सेवा ठप्प पार्ने घोषणा गरेका हुन् ।

सार्वजनिक यातायात केन्द्रीय महासंघ, नेपाल यातायात व्यवसायी राष्ट्रिय महासंघ, नेपाल यातायात व्यवसायी महासंघ नेपाल यातायात मजदुर संघ, अखिल नेपाल यातायात मजजुर संघ, एकीकृत समाजवादी यातायात मजदुर संघ र नेपाल यातायात स्वतन्त्र मजदुर संगठनले आइतबार एक संयुक्त विज्ञप्ति जारी गर्दै सेवा ठप्प पार्ने जनाएका छन् ।

गण्डकी प्रदेश सरकारले संविधानको धारा ५७ को उपधारा ६ उपधारा ३ वा ५ र सवारी तथा यातायात व्यवस्था ऐन २०४९ को परिच्छेद २ को दफा ८ को २ र दफा १२ को १ बिपरित नीजि सवारीलाई सार्वजनिक यातायात सरह मान्यता दिएको भन्दै व्यवसायी आन्दोलनरत छन्।

प्रकाशित मिति: आइतबार, जेठ १८, २०८२ १७:३३

प्रतिक्रिया दिनुहोस्