चालू आर्थिक वर्षमा जीवन तथा लघुजीवन बिमा १५.५५ प्रतिशतले वृद्धि

बैंकिङ

गृहपृष्ठ
बैंकिङ

चालू आर्थिक वर्षमा जीवन तथा लघुजीवन बिमा १५.५५ प्रतिशतले वृद्धि

क्यापिटल नेपालशुक्रबार, जेठ २३, २०८२

काठमाडौं। गत आर्थिक वर्षको तुलनामा चालू आर्थिक वर्ष २०८१/८२ को वैशाख मसान्तसम्ममा जीवन तथा लघुजीवन बिमा १५.५५ प्रतिशतले वृद्धि भएको छ।

गत आवको वैशाख मसान्तको तुलनामा चालू आव २०८१/८२ को वैशाख मसान्तसम्ममा जीवन तथा लघुजीवन बिमातर्फ १ खर्ब ४० अर्ब ३५ करोड बिमा शुल्क संकलन भएको छ। चालू आर्थिक वर्ष २०८१/८२ को वैशाख मसान्तसम्ममा जीवन र लघुजीवन बिमा कम्पनीहरुबाट ५६ लाख ४७ हजार ९०९ वटा बिमालेख जारी भएका हुन्।

त्यस्तै, निजर्विवन तथा लघु निर्जीवन बिमातर्फ ८.४६ प्रतिशतले वृद्धि भई ३५ अर्ब ८६ करोड बिमा शुल्क संकलन भई कुल १ खर्ब ७६ अर्ब २२ करोड बिमा शुल्क संकलन भएको छ। निजर्विवन र लघु निजर्विवन बिमा कम्पनीहरुबाट भने २६ लाख ६६ हजार ८८७ वटा बिमालेख जारी भएका छन्।