दर्तावाल करदाता ६८ लाख पुगे, चैतसम्म साढे पाँच लाख बढी थपिए

अर्थतन्त्र

गृहपृष्ठ
अर्थतन्त्र

दर्तावाल करदाता ६८ लाख पुगे, चैतसम्म साढे पाँच लाख बढी थपिए

क्यापिटल नेपाल सोमबार, जेठ २६, २०८२

काठमाडौं। अर्थ मन्त्रालयका अनुसार चालू आर्थिक वर्ष २०८१/८२ चैतसम्म ५ लाख ७३ हजार ६८२ नयाँ करदाता थपिएका छन्। नयाँ थपिएकासहित हालसम्म करदाताको संख्या ६८ लाख ७५ हजार ५०० पुगेका हुन्।

थपिनेमा सबैभन्दा धेरै व्यक्तिगततर्फ ४ लाख ८० हजार ७० र व्यावसायिकतर्फ ९१ हजार ७३३ करदाता थपिएर २० लाख ३५ हजार ८७४ पुगेका छन्। गत असारसम्म यो संख्या १९ लाख ४४ हजार १०१ थियो। अग्रिम करकट्टी सुविधासहितको प्यान लिनेको संख्या १ हजार ८३९ थपिएका छन्।

हालसम्म गत चैतसम्म कुल ६७ लाख ९९ हजार ८१५ करदता पुगेको छ। चैतसम्म व्यक्तिगत प्यान लिनेको संख्या ४७ लाख २८ हजार ७४४, व्यावसायिकतर्फ २० लाख ३५ हजार ८७४ र डब्लूप्यान लिनेको संख्या ३५ हजार १३७ पुगेको विवरणमा उल्लेख छ।

करदाता दर्ता विवरणअनुसार मूल्य अभिवृद्धि करतर्फ १८ हजार ५६१ थपिएर ३ लाख ४५ हजार ९७८ पुगेको छ भने एक्साइजतर्फ ६ हजार ८९६ थपिएर १ लाख २४ हजार २६४ पुगेको अर्थ मन्त्रालयको विवरणमा उल्लेख छ।

प्रकाशित मिति: सोमबार, जेठ २६, २०८२ १३:१५

प्रतिक्रिया दिनुहोस्