मौद्रिक नीतिमार्फत अर्थतन्त्र सुधारको प्रयास गर्छौंः गभर्नर पौडेल

बैंकिङ

गृहपृष्ठ
बैंकिङ

मौद्रिक नीतिमार्फत अर्थतन्त्र सुधारको प्रयास गर्छौंः गभर्नर पौडेल

क्यापिटल नेपालमंगलबार, जेठ २७, २०८२

काठमाडौं। नेपाल राष्ट्र बैंकका गर्भनर डा. विश्वनाथ पौडेलले अर्थतन्त्रमा देखिएका समस्या समाधानका लागि आगामी मौद्रिक नीतिमार्फत सुधारको प्रयास गरिने बताएका छन्।

राष्ट्र बैंक धनगढी शाखाले आयोजना गरेको उद्योग वाणिज्य महासंघ कैलाली, बैंक तथा वित्तीय संस्था, विभिन्न संघसंस्था, कृषि कर्जा लिएका ऋाणी तथा अन्य सरोकारवाला निकायका प्रतिनिधिसँगको छलफलमा गभर्नर पौडेलले यस्तो बताएका हुन्।

कोभिडलगायत अन्य विभिन्न कारणले अर्थतन्त्रमा केही समस्या देखिएकाले मौद्रिक नीतिमार्फत तिनको पहिचान गरेर समाधान गरिने उनको भनाइ छ।

उनले जनताका समस्याका आधारमा नीति बनाउने उद्देश्य राष्ट्र बैंकले लिएको जानकारी दिए। मध्यपहाडी लोकमार्ग हुँदै जेठ २३ गतेदेखि सरोकारवालाको गुनासो सुन्दै धनगढी आइपुगेको उनले बताए।

‘सरोकारवालाका गुनासाका आधारमा आगामी मौद्रिक नीति बनाउनेछौं। ऋर्थतन्त्रको समस्या समाधानका लागि मौद्रिक नीति सहयोगी हुनेछ’, गभर्नर पौडेलले भने।

उनले आर्थिक गति चलायमान बनाउन र समस्या समाधान गर्न बैंक तथा वित्तीय संस्था, व्यवसायीबीचको सम्बन्ध सुधार हुनुपर्ने आवश्यकता औंल्याए।

प्रकाशित मिति: मंगलबार, जेठ २७, २०८२ ०९:३३

प्रतिक्रिया दिनुहोस्