मन्त्रालय र मातहतका निकायहरुको सेवा सहजरुपमा पुर्‍याउन कृषिमन्त्रीको निर्देशन

कृषि

गृहपृष्ठ
कृषि

मन्त्रालय र मातहतका निकायहरुको सेवा सहजरुपमा पुर्‍याउन कृषिमन्त्रीको निर्देशन

क्यापिटल नेपाल शुक्रबार, जेठ ३०, २०८२

काठमाडौं। कृषि तथा पशुपन्छी विकासमन्त्री रामनाथ अधिकारीले आगामी आर्थिक वर्षको बजेट कार्यन्वयनका लागि आवश्यक कार्यविधि चाँडै तयार गर्न मन्त्रालयका सचिव,महानिर्देशक,महाशाखा प्रमुख एवं मातहतका कार्यलयका प्रमुखहरुलाई निर्देशन दिएका छन्।

सिंहदरबारस्थित मन्त्रालयमा आज बसेको मन्त्रालयका उच्च नेतृत्वको बैठकमा स्थानीय तहमा सर्त सञ्चालनमा रहेका कार्यक्रमहरुको अनुगमन र मूल्यांकन गर्ने व्यवस्था मिलाउन पनि निर्देशन दिए।

तल्लो तहसम्म मन्त्रालय र अन्तर्गतका निकायहरुको सेवा सरल र सहजरुपमा पुग्न आवश्यक रहेकोमा जोड दिंदै उनले यसका लागि मन्त्रालयका संयन्त्रहरुको प्रभावकारी परिचालनको आवश्यकता रहेकाे बताए।

हाल चैते धान न्युनतम समर्थन मूल्यभन्दा ज्यादै कम मूल्यमा बिक्री गर्नुपरेको किसानहरुको गुनासो आएकाले यसलाई सम्बाेधन गर्नका लागि सस्बन्धित निकायसँग समन्वय गरी आवश्यक व्यवस्था गर्न पनि मन्त्री अधिकारीले निर्देशन दिए।

प्रकाशित मिति: शुक्रबार, जेठ ३०, २०८२ १५:४९

प्रतिक्रिया दिनुहोस्