पूर्वउद्योगमन्त्री ढुण्डिराज शास्त्रीको निधन

समाज

गृहपृष्ठ
समाज

पूर्वउद्योगमन्त्री ढुण्डिराज शास्त्रीको निधन

क्यापिटल नेपालसोमबार, असार २, २०८२

काठमाडाैं। पूर्वउद्योगमन्त्री तथा नेपाली कांग्रेसका पूर्वकेन्द्रीय सदस्य ढुण्डिराज शास्त्री (पौडेल)को निधन भएको छ। काठमाडौंको केएमसी अस्पतालमा उपचारका क्रममा उनको आज बिहान ४ बजे ९० वर्षको उमेरमा निधन भएको हो।

अर्घाखाँचीको साबिक किमडाँडा पञ्चायत–८ हाल भूमिकास्थान नगरपालिका–८ निमडाँडामा बुबा खेमराज पौडेल र माता सावित्रा पौडेलका जेठो सन्तानका रूपमा विसं १९९३ सालमा जन्म भएको थियो। समाजवादी चिन्तक शास्त्रीका दुई श्रीमती, दुई छोरा र दुई छोरी छन्।

एक श्रीमतीको भने निधन भइसकेको छ। उनका छोराहरु देश बाहिर रहेकाले उहाँहरु आएपछि दाहसंस्कार गरिने उहाँका पारिवारिक सदस्य अशोक पौडेलले जानकारी दिए।

शास्त्री विसं २०१० मा भारतको वाराणसीमा अध्ययन गर्दै गर्दा नेपाली कांग्रेसको राजनीतिमा जाेडिएका थिए। उनले पढाइ पूरा भएपछि पार्टीका तर्फबाट भूमिगत राजनीति गरे।

विसं २०१४ मा नेपाली कांग्रेसले सुरु गरिको भद्र अवज्ञा आन्दोलनमा अर्घाखाँची जिल्लाको अगुवाइ गर्दै उनले पाल्पाको तानसेनमा भाग लिएका थिए।

प्रकाशित मिति: सोमबार, असार २, २०८२ १३:२०

प्रतिक्रिया दिनुहोस्