एसइई परीक्षाको नतिजा सुधार गर्न हामीले गरेको मेहिनत काम लाग्योः प्रधानमन्त्री

समाज

गृहपृष्ठ
समाज

एसइई परीक्षाको नतिजा सुधार गर्न हामीले गरेको मेहिनत काम लाग्योः प्रधानमन्त्री

क्यापिटल नेपाल शुक्रबार, असार १३, २०८२

काठमाडौं। प्रधानमन्त्रीे केपी शर्मा ओलीले माध्यमिक शिक्षा परीक्षा (एसइई) मा ग्रेड प्राप्त गरेका विद्यार्थीलाई बधाई ज्ञापन गरेका छन्।

सामाजिक सञ्जालमार्फत आज प्रधानमन्त्री ओलीले एसइईमा ग्रेड नपाउने विद्यार्थीहरुले यसलाई नै अन्तिम परीक्षा नठान्न र सफलताको अर्को दिन आउने बताएका छन्। प्रधानमन्त्री ओलीले एसइई परीक्षाको नतिजा सुधार गर्न आफूले गरेको मेहिनतले काम लागेको बताए।

“यसवर्ष करिब ६१.८१ प्रतिशत परीक्षार्थीले ग्रेड प्राप्त गर्नुभएको छ। गतवर्ष ४७।८६ प्रतिशत परीक्षार्थीले मात्र ग्रेड प्राप्त गर्नुभएको थियो भने ५२.१४ प्रतिशत परीक्षार्थी ननग्रेडेड रहनुपरेको थियो। बितेको वर्षमा नतिजा सुधार गर्न हामीले गरेको मेहिनत काम लागेको छ। ग्रेड नपाउने विद्यार्थीहरुले यसलाई नै अन्तिम परीक्षा नठान्नु होला, सफलताको अर्को दिन आउने छ। सबै भाइबहिनीहरूलाई बधाई ” प्रधानमन्त्री ओलीले सामाजिक सञ्जालमा लेखेका छन्।