३० वर्षमा तीन सन्तान पाइसक्नु, ४० कटेपछि रमाउला भन्ने गीतमा नअल्मनु- प्रधानमन्त्री

समाज

गृहपृष्ठ
समाज

३० वर्षमा तीन सन्तान पाइसक्नु, ४० कटेपछि रमाउला भन्ने गीतमा नअल्मनु- प्रधानमन्त्री

क्यापिटल नेपाल शुक्रबार, असार २७, २०८२

काठमाडौं। प्रधानमन्त्री केपी शर्मा ओलीले विकास र समृद्धिसँगै जनसंख्याको समान विकास नभए मानव अस्तित्व खतरामा पर्ने बताएका छन्।

विश्व जनसंख्या दिवसका अवसरमा स्वास्थ्य तथा जनसंख्या मन्त्रालयद्वारा आयोजित राष्ट्रिय जनसंख्या नीति, २०८२ सार्वजनिक कार्यक्रममा प्रधानमन्त्री ओलीले विकास र जनसंख्याको गतिसँगै हुनुपर्नेमा जोड दिएका हुन्। उनले आफ्नो सन्तानवृत्तिलाई धर्तीका लागि उत्तरदायित्वका रुपमा लिनुपर्ने बताए।

‘मानिस भएकाले हरेक देशको अर्थ छ। धर्तीको अर्थ छ। जनसंख्या हुँदैनथ्यो भने देश हुँदैन। हामीले मानव जातिको सुखपूर्ण अस्तित्व रक्षाका लागि उपयुक्त नीति र कदमहरु चाल्नुपर्छ,’ उनले भने, ‘सृष्टिको सृजनाका लागि मानव जाति जति मूल्यवान् अर्को छैन। जनसंख्याबारे गोष्ठी र सेमिनार पनि गर्ने अनि आम विनाशका हतियार बनाएर मान्छे मारिरहने क्रमले मानव संसारको अस्तित्व बच्दैन।’

प्रधानमन्त्री ओलीले २० वर्षपछि मात्र विवाह गर्न पाउने कानुनी व्यवस्था भएबमोजिम समयमै विवाह गरी ३० वर्षभित्र तीन सन्तान पाइसक्न र ४० कटेपछि रमाउला भन्ने गीतमा नअल्मन आग्रह गरे।

उनले सन्तानले डाँडाकाँडा ढाकून् नभन भनेर जनचेतना फैलाउँदा उल्टो असर परेर सन्तान नजन्माउने परिस्थिति सिर्जना भएकातर्फ चिन्ता व्यक्त गरे।

पछिल्ला वर्षमा विकसित देशमा समेत जनसंख्याको वृद्धि दर घट्न थालेको सन्दर्भ उल्लेख गर्दै प्रधानमन्त्री ओलीले यसबाट समग्र विकास निर्माण र वितरण व्यवस्था प्रभावित हुनुका साथै मानव अस्तित्वमाथि संकट उत्पन्न हुन सक्ने धारणा राखे।

प्रकाशित मिति: शुक्रबार, असार २७, २०८२ १४:५४

प्रतिक्रिया दिनुहोस्