बैतडीमा जीप दुर्घटना हुँदा दुईको मृत्यु, ६ जना घाइते

समाज

गृहपृष्ठ
समाज

बैतडीमा जीप दुर्घटना हुँदा दुईको मृत्यु, ६ जना घाइते

क्यापिटल नेपाल शनिबार, असार २८, २०८२

बैतडी। बैतडीमा जीप दुर्घटना हुँदा दुई जनाको मृत्यु र ६ जना घाइते भएका छन्। धनगढीबाट दार्चुलाको गन्नातर्फ जाँदै गरेको सुपप्र०४००१ज १३७२ नम्बरको जीप दुर्घटना हुँदा दुई जनाको मृत्यु भएको हो।

डिलासैनी गाउँपालिका–१ का चालकसमेत रहेका २४ वर्षीय सन्तोषबहादुर राना र सोही ठाउँका ३२ वर्षीय किरण बोहराको मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए।

जीपमा सवार अन्य ६ जना घाइते भएका छन्। डिलासैनी–१ का ४५ वर्षीय रामकुमार राना, २१ वर्षीया भागरती खत्री, उनकी दुई वर्षकी छोरी एलिसा, २१ वर्षका हेमन्तप्रसाद भट्ट, २७ वर्षीय राजेन्द्रबहादुर खत्री र ५१ वर्षीया कमला धामी घाइते भएको प्रहरी निरीक्षक पाण्डेयले बताए। राजेन्द्र र कलमालाई थप उपचारका लागि धनगढी पठाइएको जिल्ला प्रहरी कार्यालय बैतडीले जनाएको छ।

शनिबार बिहान ५ः३० बजे बैतडीको पाटन–६ स्थित खिपालीमा जीप दुर्घटना भएको हो। दुर्घटनाको जानकारी पाएलगत्तै इलाका प्रहरी कार्यालय पाटनको टोली र स्थानीय उद्धारमा खटिएका थिए। जीप सडकबाट करिब १०० मिटर तल भीरमा अड्किएको छ। दुर्घटनाको कारण खुल्न सकेको छैन।

प्रकाशित मिति: शनिबार, असार २८, २०८२ ०९:०९

प्रतिक्रिया दिनुहोस्