दशैंमा भन्दा बढी देखियो कोरनाको असरः ६ घण्टामै ७० हजार मानिस बाहिरिए

मुख्य समाचार

गृहपृष्ठ
मुख्य समाचार

दशैंमा भन्दा बढी देखियो कोरनाको असरः ६ घण्टामै ७० हजार मानिस बाहिरिए

क्यापिटल नेपालशुक्रबार, चैत ७, २०७६

काठमाडौं । कारोना भाइरसको सन्त्रासका कारण ६ घण्टामै ७० हजार मानिसले काठमाडौं छाडेका छन् । महानगरीय ट्राफिक प्रहरी महाशाखा प्रमुख (एसएसपी) भीमप्रसाद ढकालले शुक्रबार मध्यान्ह १२ बजेसम्ममा झन्डै ६८ हजार यात्रु उपत्यकाबाट बाहिरिएको बताए ।

यात्रुहरु टिकट नपाएपछि मुडामा बसेरसमेत घर फर्किरहेका छन्। ट्राफिक प्रहरीका अनुसार शुक्रबार मात्रै ११ हजार ६ सय ९० यात्रुवाहक सवारी साधान उपत्यकाका विभिन्न नाकाबाट यात्रु बोकेर बाहरिएका छन् । प्रमुख ढकालका अनुसार यही समयमा उपत्यका भित्रिने यात्रुबहाक साधनको संख्या ५ हजार २ सय ९५ रहेको छ भने यात्रुको संख्या २६ हजार २ सय ९१ छ ।

महाशाखाको तथ्याङ्क अनुसार गत ४ गते काठमाडौंबाट ९६ हजार, ५ गते ९५ हजार र बिहिबार एकलाख २० हजार मानिसले उपत्यका छाडिसकेका छन् । पुरानो तथा नयाँ बसपार्कमा बिहान उपत्यका छोड्नेको घुइचो बढी छ । उपत्यकामापनि सर्वजनिक यातायात चढ्ने यात्रुको सङ्ख्या ह्वातै घटेको छ । यातायात व्यवसायी घाटाखाएर यातायात सञ्चालन गरिरहेको बताउँदै आएका छन् ।

सरकारले चैत ७ गतेदेखि सबै शैक्षिक संस्थाहरु बन्द गरेपछि राजधानी छोडेर बाहिरिनेको संख्या बढेको छ । कोरोना भाइरस (कोभिड–१९)को संक्रमणको सम्भावनाबाट बच्न सरकारले शैक्षिक संस्थाहरु बन्द गर्न निर्देशन दिएको हो ।

प्रकाशित मिति: शुक्रबार, चैत ७, २०७६ १४:३१

प्रतिक्रिया दिनुहोस्