चितवनको विद्युत समस्या बुझ्न कार्यकारी निर्देशक शाक्य भरतपुरमा

पूर्वाधार

गृहपृष्ठ
पूर्वाधार

चितवनको विद्युत समस्या बुझ्न कार्यकारी निर्देशक शाक्य भरतपुरमा

क्यापिटल नेपालसोमबार, साउन १२, २०८२

काठमाडौं। अत्याधिक लोडका कारण सिर्जित विद्युत समस्याको समाधानका लागि नेपाल विद्युत प्राधिकरण (एनईए) का कार्यकारी निर्देशक हितेन्द्रदेव शाक्यसहितको टोली चितवन पुगेको छ। निर्देशक शाक्य र वितरण तथा ग्राहक सेवा निर्देशनालयका उपकार्यकारी निर्देशक दीर्घायुकुमार श्रेष्ठसहितको उच्चस्तरीय टोली चितवन पुगेकाे हाे।

टोलीले देखिएको अत्याधिक लोडका कारण सिर्जित विद्युत समस्याको समाधानका लागि भइरहेका मर्मत तथा निर्माण कार्यहरूको निरीक्षण तथा अवलोकन गर्नेछ।

हालै चितवन जिल्लास्थित चनौली वितरण केन्द्रले २०८२ साउन ११ गतेका लागि निकालेको एक दिनको अत्यावश्यक मर्मत कार्यको लोड व्यवस्थापन तालिकालाई लिएर आम उपभोक्ताहरूमा भ्रम सिर्जना भएको थियो। यसै सन्दर्भमा, प्राधिकरणले भरतपुरस्थित सबस्टेसनलगायतका वितरण केन्द्रहरूबाट विद्युतीय संरचनाहरूमा भइरहेका कार्यहरूलाई नजिकबाट नियाल्न र समस्याको जड पत्ता लगाई समाधानका उपायहरू खोज्न यो टोली भ्रमणमा पुगेको हो।

कार्यकारी निर्देशक शाक्यको यो भ्रमणले चितवनमा देखिएको विद्युत आपूर्तिको समस्यालाई सम्बोधन गर्न र उपभोक्ताहरूमाझ देखिएको अन्योललाई चिर्न मद्दत पुग्ने विश्वास गरिएको छ।

प्रकाशित मिति: सोमबार, साउन १२, २०८२ १३:३२

प्रतिक्रिया दिनुहोस्