स्पाको उद्घाटन गर्दै मन्त्री देउवाले भनिन्- पोखरा साहसिक पर्यटनको हब हो

पर्यटन

गृहपृष्ठ
पर्यटन

स्पाको उद्घाटन गर्दै मन्त्री देउवाले भनिन्- पोखरा साहसिक पर्यटनको हब हो

क्यापिटल नेपाल बुधबार, साउन १४, २०८२

काठमाडौं। परराष्ट्रमन्त्री डा. आरजु राणा देउवाले पोखरा साहसिक पर्यटनको हबका रूपमा विकसित भएको बताएकी छन्। पोखराको लेकसाइटमा अंशुभरा ग्रुपले सञ्चालनमा ल्याएको बगैँचा रिसोर्ट स्पाको उद्घाटन गर्दै उनले पोखरा आफैमा प्राकृतिक रूपमा सुन्दर सहरका रूपमा स्थापित भइसकेको बताइन्।

आफू बाल्यकालमा पोखरामा आएको स्मरण गर्दै मन्त्री देउवाले त्यसबेलामा यहाँको सुन्दरताले लोभ्याएको धारणा राखेकी थिइन्। पछिल्लो समयमा जलवायु परिवर्तनका असर सबै क्षेत्रमा परिरहेको उल्लेख गर्दै उनले उत्तर र दक्षिणतर्फका छिमेकमा बाढीको प्रभाव बढिरहेको समाचारहरू आएकाले हामी पनि सर्तक रहनुपर्नेमा जोड दिइन्।

मन्त्री देउवाले जलवायु परिवर्तनका असरलाई न्यूनीकरण गर्ने गरी सहकार्य र समन्वयमार्फत दिगो विकासमा सबै केन्द्रित हुनुपर्ने आवश्यकता औँल्याएकी थिइन्। जैविक विविधताको संरक्षणका लागि नेपालले महत्त्वपूर्ण योगदान गरिरहेको बताउँदै उनले पोखरामा सञ्चालित बगैँचा रिसोर्टले यस विषयलाई प्राथमिकतामा राखेको भन्दै प्रशंसा गरिन्।

अंशुभरा ग्रुपका अध्यक्ष एवं गण्डकी प्रदेशका सामाजिक विकासमन्त्री विन्दुकुमार थापाले पर्यटन, उद्यमशीलता र रोजगारीका क्षेत्रमा नविनतम सोचका साथ अघि बढिरहेको बताए।

ग्रुपका प्रबन्ध निर्देशक सौगात थापाले स्वदेशमा केही गर्नुपर्छ भन्ने सोचका साथ बगैँचा रिर्सोट स्पा सञ्चालनमा ल्याइएको धारणा राखे।

प्रकाशित मिति: बुधबार, साउन १४, २०८२ १४:२८

प्रतिक्रिया दिनुहोस्