साढे ७ अर्बमा छापिँदै नयाँ राहदानी, जर्मन कम्पनीले अगाडि बढायो प्रक्रिया

प्रविधि

गृहपृष्ठ
प्रविधि

साढे ७ अर्बमा छापिँदै नयाँ राहदानी, जर्मन कम्पनीले अगाडि बढायो प्रक्रिया

क्यापिटल नेपाल बिहीबार, साउन १५, २०८२

काठमाडौं। राहदानी विभागले ६४ लाख नयाँ राहदानी छपाइका दुई प्याकेजमा जर्मन कम्पनीलाई सर्टलिस्ट गरेको छ।

विभागले जर्मनीको भेरिडास कम्पनीलाई ६ अर्ब ११ करोड र जर्मनकै अर्को कम्पनी म्युहलबाउर आइडी सर्भिसलाई १ अर्ब ५५ करोडमा फरक प्याकेजमार्फत राहदानी छाप्ने जिम्मा दिएको हो।

प्याकेज १ अन्तर्गत प्रिइनरोलमेन्ट, इनरोलमेन्ट डाटा म्यानेजमेन्ट र डेलिभरी सिस्टमको ठेक्का जर्मन कम्पनी म्युहलबाउर आइडी सर्भिसले पाएको छ भने प्याकेज २ को ठेक्का पनि जर्मनीकै भेरिडास कम्पनीले पाएको हो।

दुई कम्पनीसँग छुट्टाछुट्टै सम्झौता तयारी भएकामा प्याकेज २ को भेरिडाससँग हालै हस्ताक्षर भएको विभागले जनाएको छ। यस्तै अर्को कम्पनीसँगै छिट्टै सम्झौताको तयारी भइरहेको विभागका महानिर्देशक तीर्थ अर्यालले जानकारी दिए।

जर्मनीकै दुई कम्पनी छनोट भएपछि हाल काम गरिरहेको कम्पनीलाई नदिइँदा विवाद सिर्जना भएको थियो। सन् २०२० मा २० लाख विद्युतीय राहदानी छपाइका लागि छनोट भएको आइडिमियाले पटक–पटक म्याद थप गरेर ५० लाख बढी राहदानी छापिसकेको अर्यालले बताए।

राहदानी छपाइ गर्दा सबै सामग्री व्यवस्थापन कम्पनीले नै गर्नुपर्ने विभागका प्रवक्ता शत्रुध्वन पोखरेलले जनाए।

प्रकाशित मिति: बिहीबार, साउन १५, २०८२ १०:४४

प्रतिक्रिया दिनुहोस्