कुमारी बैंकको खुद नाफा ४५८.२९ गुणाले बढ्यो, निक्षेप साढे ३ खर्ब नाघ्यो

बैंकिङ

गृहपृष्ठ
बैंकिङ

कुमारी बैंकको खुद नाफा ४५८.२९ गुणाले बढ्यो, निक्षेप साढे ३ खर्ब नाघ्यो

क्यापिटल नेपालबिहीबार, साउन २२, २०८२

काठमाडौं। कुमारी बैंकको खुद नाफा अघिल्लो आर्थिक वर्ष अन्त्यसम्म ४६ लाख मात्रै रहेकामा गत आव अन्त्यसम्म ४५८.२९ गुणाले बढेर २ अर्ब ११ करोड नाघेको छ।

बैंकले आज सार्वजनकि गरेको गत आर्थिक वर्षको चौथो त्रैमासिक वित्तीय विवरणअनुसार इम्पेयरमेन्ट चार्ज परिवर्तन गर्दा अघिल्लो आवको खुद नाफा ४६ लाख देखिएकाले यस्तो भएको हो। बैंकले गत आवमा प्रकाशित वित्तीय विवरणमा खुद नाफा ४६ लाख मात्रै नभई २ अर्ब ३० करोड थियो।

चुक्ता पुँजी २६ अर्ब २२ करोड रहेको बैंकको जगेडा कोषमा ११ अर्ब र रिजर्भमा १३ अर्ब ८५ करोड रुपैयाँ छ।बैंकको प्रतिसेयर नेटवर्थ १४२.१९ रुपैयाँ र बैंकको प्रतिसेयर आम्दानी ०.०२ रुपैयाँबाट बढेर ८.०७ रुपैयाँ पुगेको छ।

यस्तै, खराब कर्जा ५.९६ प्रतिशतबाट बढेर ६.६२ प्रतिशत, २ खर्ब ६० अर्ब कर्जा लगानी र ३ खर्ब ६४ अर्ब रुपैयाँ निक्षेप संकलन गरेको छ।

विवरणअनुसार बैंकको खुद ब्याज आम्दानी १० अर्ब ८० करोडबाट ६.९५ प्रतिशतले बढेर ११ अर्ब ५५ करोड, कुल सञ्चालन आम्दानी १३ अर्ब ६३ करोडबाट करिब ११ प्रतिशतले बढेर १५ अर्ब १३ करोड, सञ्चालन नाफा अघिल्लो वर्ष ९७ करोड ३९ लाख रहेकामा गत वर्ष ५२९.८७ प्रतिशतले बढेर ६ अर्ब १३ करोड रुपैयाँ पुगेको छ।

बैंकको वितरणयोग्य नाफा अघिल्लो वर्ष ५ अर्ब ३६ करोड रुपैयाँ ऋणात्मक रहेकामा गत वर्ष घटेर २ अर्ब ७९ करोड ऋणात्मक कायम भएको छ।

प्रकाशित मिति: बिहीबार, साउन २२, २०८२ ०८:५७

प्रतिक्रिया दिनुहोस्