प्रभु इन्स्योरेन्सले गत आर्थिक वर्षकाे १८ प्रतिशत बोनस सेयर वितरण गर्ने

बैंकिङ

गृहपृष्ठ
बैंकिङ

प्रभु इन्स्योरेन्सले गत आर्थिक वर्षकाे १८ प्रतिशत बोनस सेयर वितरण गर्ने

क्यापिटल नेपाल शुक्रबार, साउन २३, २०८२

काठमाडौं। प्रभु इन्स्योरेन्स लिमिटेडले आर्थिक वर्ष २०८१/८२ का लागि १८ प्रतिशत बोनस सेयर वितरण गर्ने भएको छ।

२९औं वार्षिक साधारणसभाबाट घोषणा गरेको बोनस सेयर र वित्तीय उपलब्धिले बिमा क्षेत्रमा सकारात्मक सन्देश दिएको भन्दै बजारमा लगानीकर्ताको विश्वास अझ मजबुत बनाउने अपेक्षा समेत गरिएको कम्पनीले बताएकाे छ।

आर्थिक तथा बजारको प्रतिकूल परिस्थितिमा समेत कम्पनीले गत आर्थिक वर्षमा कम्पनीबाट उच्चतम नाफा आर्जन गर्दै सेयरधनीहरुलाई आकर्षक प्रतिफल प्रदान गरेको प्रभु इन्स्योरेन्सका अध्यक्ष राजेन्द्र मल्लले बताए। मुनाफा वितरणको उच्चतम उपलब्धिले प्रभु इन्स्योरेन्सलाई बजारमा थप सुदृढ र विश्वासिलो संस्थाका रूपमा स्थापित गरेको उनको भनाइ छ।

अध्यक्ष मल्लका अनुसार प्रभु इन्स्योरेन्सले नियमनकारी निकायको पूर्ण पालना गर्दै, आन्तरिक सुशासनलाई सुदृढ बनाउन विभिन्न नीतिगत सुधार र दीर्घकालीन रणनीतिक योजना अघि बढाइरहेको छ। ग्राहकलाई छिटो, छरितो र सहज सेवा उपलब्ध गराउने उद्देश्यले प्रभु इन्स्योरेन्सले अत्याधुनिक डिजिटल ट्रान्सफर्मेशन प्रविधि लागू गरिसकेको अध्यक्ष मल्लले बताएए।

प्रकाशित मिति: शुक्रबार, साउन २३, २०८२ १६:४३

प्रतिक्रिया दिनुहोस्