एभरेष्ट बैंकको घर र गाडी कर्जा योजना, ६.५२ प्रतिशत ब्याज

कर्पोरेट बजार

गृहपृष्ठ
कर्पोरेट बजार

एभरेष्ट बैंकको घर र गाडी कर्जा योजना, ६.५२ प्रतिशत ब्याज

क्यापिटल नेपाल बुधबार, भदौ ४, २०८२

काठमाडौं। एभरेष्ट बैंकले ‘डबल कि वान ड्रिम हाउसिङ एन्ड भेहिकल लोन’ योजना सार्वजनिक गरेको छ। बैंकले ६.५२ प्रतिशतमै घर र सवारी कर्जा उपलब्ध गराउनेछ।

चाडपर्व लक्षित योजना सार्वजनिक गर्दै बैंकले छिटो ऋण प्रक्रिया र सरल कागजी प्रक्रिया, ३५ वर्षसम्मको लचिलो ऋण अवधि, सरल मासिक किस्ता, सेवाशुल्कमा आकर्षक छुट दिइएको जनाएको छ।

बैंकले परिवर्तित ब्याजदरमा आधारदर (बेसरेट) मा १.२५ प्रतिशत प्रिमियम जोडेर ६.५२ प्रतिशतमै सवारी र घर कर्जा उपलब्ध गराउने भएको हो। बैंकले यी कर्जाका लागि सेवाशुल्कमा समेत ०.२५ प्रतिशत छुट दिनेछ।

बैंकले ‘डबल कि वान ड्रिम हाउसिङ एन्ड भेहिकल लोन’ योजनामा स्थिर ब्याजदरमा ७.४९ प्रतिशतमा घर कर्जा ७ वर्षसम्मका लागि उपलब्ध गराउनेछ। यो कर्जा पुनःब्याजदर मूल्यांकन गर्दै ३५ वर्षसम्मका लागि उपलब्ध गराइने बैंकले जनाएको छ।

सोही योजनाअन्तर्गत बैंकले सवारी र्जा स्थिरमा ५ वर्षका लागि ७.४९ प्रतिशत र ७ वर्षका लागि ८.९९ प्रतिशत ब्याजदरमा उपलब्ध गराइरहेको छ।

प्रकाशित मिति: बुधबार, भदौ ४, २०८२ ०६:४६

प्रतिक्रिया दिनुहोस्