महिलाकै संघर्षले वर्तमान उपलब्धि हाँसिल भएको हो: परराष्ट्रमन्त्री

राजनीति

गृहपृष्ठ
राजनीति

महिलाकै संघर्षले वर्तमान उपलब्धि हाँसिल भएको हो: परराष्ट्रमन्त्री

क्यापिटल नेपालबुधबार, भदौ ४, २०८२

काठमाडौं। परराष्ट्रमन्त्री डा आरजु राणा देउवाले नेपाली महिलाहरुको आफ्नै संघर्षले महिला अधिकार र सशक्तीकरणका क्षेत्रमा वर्तमान उपलब्धि हासिल भएको बताएकी छन्।

नेपाली कांग्रेसको भ्रातृ संस्था नेपाल महिला संघद्वारा आज यहाँ आयोजित ‘विगत वर्तमान र भविष्यमा नेपाल महिला संघको भूमिका’ विषयक गोष्ठीको उहाँले महिला अधिकारका क्षेत्रमा धेरै उपलब्धि हाँसिल भएको बताएकी छन्।

“महिलाले महत्वपूर्ण संवैधानिक अधिकार प्राप्त गरेका छन्। त्यो सबै नेपाली महिलाहरुले गरेको सङ्घर्षकै उपलब्धि हो”, उनले भनिन्।

मन्त्री डा राणाले नेपाली कांग्रेसकै महिला नेतृहरु मंगलादेवी सिंहदेखि लिएर शैलजा आचार्यसम्मका महिलाको योगदानको स्मरण गर्दै उनीहरु र अरु महिला नेतृहरुको लामो संघर्ष र बलिदानीपछि नेपाली महिला आन्दोलनले आजको उपलब्धि हासिल गर्न सकेको स्पष्ट पारिन्।

उनले वर्तमान अवस्था पर्याप्त भने नरहेको र महिलाले अझै धेरै संघर्ष गर्न बाँकी रहेको बताइन्। उनले विसं २००७ को क्रान्तिदेखि गणतन्त्रको प्राप्तिसम्मका सबै आन्दोलनमा नेपाली महिलाको सक्रिय सहभागिता रही आएको स्मरण गरिन्।

प्रकाशित मिति: बुधबार, भदौ ४, २०८२ १८:०५

प्रतिक्रिया दिनुहोस्