पर्सा। वीरगञ्ज महानगरमा सोमबारसम्म हैजाबाट संक्रमित हुनेको संख्या ९३ पुगेको छ। महानगरमा हैजा रोकथाम र नियन्त्रणका लागि तीनवटै सरकारले अधिकतम प्रयास जारी राखे पनि हैजा संक्रमतिको संख्या घटेको छैन।
आइतबार बेलुकासम्म ७१ जनामा हैजाको संक्रमण पुष्टि भएको थियो। स्वास्थ्य कार्यालय पर्साका जनस्वास्थ्य अधिकृत जयमोद ठाकुरले अहिलेसम्म वीरगञ्जमा ९३ जना हैजाका संक्रमित फेला पारेको जानकारी दिए।
उनका अनुसार हालसम्म वीरगञ्जका विभिन्न अस्पतालमा १६६ जना हैजाका बिरामी उपचाररत रहेको र १७८ जना उपचारपछि घर फर्किएका छन्। नारायणी अस्पतालमा आरडिटी जाँचमा ३२ जना बिरामीमा कलेरा संक्रमण भेटिएको छ।
साथै, तराई अस्पतालमा ३२ जना, नेशनल मेडिकल कलेजमा १२ जना, भवानी अस्पतालमा, वीरगञ्ज हेल्थ केयर, मङ्गलम प्याथोलोजीमा तीन–तीन जनामा हैजाको संक्रमण देखिएको छ।
अर्ली अर्थाे अस्पतालमा भने दुई जना हैजाका बिरामी भेटिएका छन्। त्यस्तैगरी नारायणी सेन्ट्रल अस्पताल, एड्भान्स मेडिकेयर, नेपाल इन्डो अस्पताल, नीलकण्ठ अस्पताल, नेपाल मेडिसिटी बयोधा अस्पताल, सर्वाेत्तम अस्पतालमा पनि हाल एक÷एक जना हैजाका बिरामी भेटिएका छन्।
अहिलेसम्म अस्पताल आइपुगेका झाडापखाला र हैजाका बिरामीको संख्या ३४४ रहेको छ । जसमध्ये २७ जना आइसियूमा, ६ जना एचडिसियु र १२२ जनाको जनरल वार्डमा उपचार भइरहेको छ।–रासस
-1717671934.jpg)
