गण्डकी र कोसीमा ठूलो वर्षा हुने पूर्वानुमान

समाज

गृहपृष्ठ
समाज

गण्डकी र कोसीमा ठूलो वर्षा हुने पूर्वानुमान

क्यापिटल नेपालबुधबार, भदौ ११, २०८२

काठमाडौं। हाल मनसुनको न्यूनचापीय रेखा पूर्वतर्फ सरदरभन्दा दक्षिणमा तथा पश्चिमतर्फ सरदर स्थानको आसपासमा अवस्थित रहेको जल तथा मौसम विज्ञान पूर्वानुमान महाशाखाले जनाएको छ।

आज दिउँसो देशभर साधारणतया बदली रहने तथा कोशी, मधेस, बागमती र गण्डकी प्रदेशलगायत पहाडी भागका केही स्थानका साथै तराईका केही स्थानमा मध्यम वर्षाको सम्भावना छ। कोसी र गण्डकी प्रदेशका पहाडी भागका एकाध स्थानमा भारी वर्षाको सम्भावना छ।

त्यसैगरी आज राती कोसी, गण्डकी र लुम्बिनी प्रदेशलगायत देशका पहाडी भागमा साधारणतया बदली रही बाँकी भागमा आंशिक बदली हुने महाशाखाले प्रक्षेपण गरेको छ।

कोसी, बागमती, गण्डकी र लुम्बिनी प्रदेशका केही स्थानमा मध्यम वर्षाको सम्भावना छ। कोसी, गण्डकी र लुम्बिनी प्रदेशका पहाडी र तराईका एकाध स्थानमा भारी वर्षाको सम्भावना छ।

महाशाखाले वर्षाका पहिरो तथा गेग्रान बहाव (डेब्रिज फ्लो)को जोखिम रहेको, ठूलासाना नदीनाला र खोलामा पानीको सतह बढ्न सक्ने तथा यातायात क्षेत्र प्रभावित हुन सक्ने प्रक्षेपण गर्दै सबैलाई सतर्क रहन तथा पूर्वतयारी गर्न अनुरोध गरेको छ।

प्रकाशित मिति: बुधबार, भदौ ११, २०८२ ०६:५७

प्रतिक्रिया दिनुहोस्