कवाड व्यवसायीको आन्दोलन: भृकुटीमण्डपदेखि महानगर कार्यालयसम्म र्‍याली, बालेनविरुद्ध नाराबाजी

समाज

गृहपृष्ठ
समाज

कवाड व्यवसायीको आन्दोलन: भृकुटीमण्डपदेखि महानगर कार्यालयसम्म र्‍याली, बालेनविरुद्ध नाराबाजी

क्यापिटल नेपालबुधबार, भदौ ११, २०८२

काठमाडाैं। काठमाडौं महानगरपालिकाको ज्यादतीविरुद्ध कवाड व्यवसायीले आज बुधबार तेस्रो दिन पनि आन्दोलन जारी राखेका छन्। भृकुटीमण्डपबाट सुरु भएको कवाड व्यवसायीको र्‍याली कमलादीस्थित काठमाडौं महानगरपालिका पुगेको थियो। प्रदर्शनमा करिब २ हजारको सहभागिता रहेको बताइएको छ।

Kawad-aandolan_NPL-(22)-1756287341.jpeg
प्रदर्शनमा सहभागी धेरैले राष्ट्रिय झण्डा बोकेका छन्। कवाड व्यवसायीहरु महानगरपालिका कार्यालयको सडक अगाडी सडकमै ब्यानर बिछ्याएर धर्नामा बसेका छन्। सर्वोच्च अदालतको आदेश विपरित काठमाडौं महानगरपालिका प्रमुख बालेन्द्र शाहले कवाड व्यवसायीमाथि ज्यादती गरिरहेको भन्दै उनीहरु आन्दोलनमा उत्रिएका हुन्। सर्वोच्चको आदेश पालना गर्नुपर्ने र कवाड व्यवसायीलाई शान्तिपूर्ण वातावरणमा व्यवसाय गर्न दिनुपर्ने उनीहरुको माग छ।

Kawad-aandolan_NPL-(20)-1756287338.jpeg
आन्दोलनमा सहभागिहरुले सर्वोच्च अदालतको आदेश पालना गर, कबाड व्यवसायीमाथिको अत्याचार बन्द गर, बालेनको गुण्डागर्दी एवं तोडफोड बन्द गर, बालेन तेरो पाराले दुख पायो साराले लगायतका नारा लगाएका छन्। उनीहरुले आफूहरुको माग पूरा नभएसम्म आन्दोलन जारी रहने जनाएका छन्।