रुसी आक्रमणबाट किएभस्थित इयू नियोगको कार्यालयमा क्षति

अन्तर्राष्ट्रिय

गृहपृष्ठ
अन्तर्राष्ट्रिय

रुसी आक्रमणबाट किएभस्थित इयू नियोगको कार्यालयमा क्षति

क्यापिटल नेपालबिहीबार, भदौ १२, २०८२

काठमाडौं। युरोपेली संघका प्रमुख एन्टोनियो कोस्टाले किएभमा रुसले गरेको घातक आक्रमणबाट आफू ‘भयभीत’ भएको बताएका छन्।

युरोपेली परिषद्का अध्यक्ष कोस्टाले एक्समा लेखेका छन्, ‘यो समय हामी युक्रेनी पीडित र इयू प्रतिनिधि मण्डलका कर्मचारीको सहयोगका लागि तयार छौँ।’

कोस्टाले एउटा कार्यालयको भित्री भागको तस्बिर पोस्ट गरेका छन्। यसमा झ्यालहरू फुटेका छन्। छत आंशिक रूपमा तल झुन्डिएको छ। आक्रमणका कारण खसेका भवन र झ्यालका भाग भुइँमा छरिएका छन्।

युक्रेनका लागि इयूका राजदूत क्याटरिना माथेरनोभाले विस्फोटको झट्काले नियोगको भवनमा गम्भीर क्षति पुगेको बताए। इयूका एक अधिकारीले एएफपीसँग कुरा गर्दै इयूका कुनै पनि कर्मचारीलाई चोट पटक नलागेको बताए।

युक्रेनी अधिकारीले रातभर भएको बमबारीमा एक बालकसहित १० जनाको मृत्यु भएको बताएका छन्। इयूका उच्च कूटनीतिज्ञ काजा कल्लासले सामाजिक सञ्जाल एक्समा भनेका छन्, ‘विश्वले शान्तिको बाटो खोजिरहेको बेला रुसले क्षेप्यास्त्र प्रहार गरेको छ।’

प्रकाशित मिति: बिहीबार, भदौ १२, २०८२ १४:२२

प्रतिक्रिया दिनुहोस्